![](https://i.afintl.com/images/rdk9umy0/production/c46f08c65f183526015a31418709999bd63363e5-1163x606.jpg?rect=178,0,808,606&w=600&h=450&fm=webp&q=70)
![](https://i.afintl.com/images/rdk9umy0/production/c46f08c65f183526015a31418709999bd63363e5-1163x606.jpg?rect=178,0,808,606&w=800&h=600&fm=webp&q=70)
د طالبانو ویاند ذبیح الله مجاهد وایي، چې (د چنګاښ په ۱۰مه او ۱۱مه) د قطر په پلازمینه دوحه کې د ملګرو ملتونو په کوربهتوب په جوړېدونکې درېیمه غونډه کې د ګډون لپاره په بشپړ چمتوالي سره برخه اخلي.
د ښځو پر وړاندې د تبعیض د له منځه وړلو په برخه کې د ملګرو ملتونو کمېټه وایي، د دوحې له دریمې غونډې څخه د ښځو او نجونو د نه شتون په اړه ژوره اندیښنه لري.
د افغانستان په چارو کې د روسیې د ولسمشر ځانګړی استازی وايي، «نړۍ دې حقیقت ته ورو ورو رسېږي چې طالبان د افغانستان قانوني چارواکي دي.» د ضمیر کابلوف په خبره، «دا هغه حقیقت دی چې مسکو ډېر پخوا منلی و، خو نړۍ یې چې اوس هم مني، تر نه منلو یې په ځنډ منل غوره دي.»
د طالبانو د بهرنیو چارو په وزارت کې سلاکار ذاکر جلالي وایي، د دوی د ډلې او د سیمې د هېوادونو تر منځ د سیاسي درک کچه لوړه شوې ده.
د بشري حقونو د څار سازمان د ښځو د برخې مرستیالې هېدر بار د دوحې په ناسته کې د مېرمنو د نه وربللو له امله د ملګرو ملتونو پر چلند نیوکه وکړه. هغې وویل، چې ملګري ملتونه طالبانو ته سوال زارۍ کوي؛ خو د مېرمنو غوښتنو ته بیا منفي ځواب ورکوي.
د طالبانو تر واک لاندې ارګ د یوناما د سیاسي مسوول سکاټ سمېټ له قوله ویلي، چې نوموړی وایي؛ د یوناما تمرکز په افغانستان کې په حاکم نظام دی، څو د واکمن په توګه ورسره خبرې وشي. نوموړي دا خبرې د طالبانو د ریاست الوزرا د سیاسي معاونیت د دفتر له رییس سره په کتنه کې کړې دي.
د بشري حقونو د نړۍوالو سازمانونو یوې ډلې ملګرو ملتونو ته درې ورځې وخت ورکړی، چې د دوحې په درېیمه غونډه کې د افغانو ښځو د حضور په اړه اندېښنو ته ځواب ووايي.
د نوبل د سولې جایزې ګټونکې د دوحې له ناستې د ښځو د اېستلو په غبرګون له ملګرو ملتونو وغوښتل، چې خپل مسیر بدل کړي. ملاله یوسفزی ټینګار کوي، چې د ښځو له حضور پرته د افغانستان په اړه هر ډول خبرې اترې هېڅ کوم مشروعیت نه رامنځته کوي.
د طالبانو د بهرنيو چارو وزیر تېره ورځ د یوناما له مشرې روزا اتنبایوا سره کتلي دي. د طالبانو د بهرنیو چارو وزارت د يوې خبرپاڼې په خپرولو سره ويلي، چې د تېرې ورځې په کتنه کې د دوحې درېیمې ناستې په اړه او له ناستې وروسته د لازمو ګامونو پورته کولو په تړاو خبرې اترې شوې دي.
د بشري حقونو د مدافعانو ټولنې د دوحې د دریمې ناستې په څنډه کې د ملګرو ملتونو یوه غونډه کې د افغانستان د مدني ټولنې د استازو په نوم د یو شمېر کسانو پر ګډون سخته نیوکه وکړه.
ملګرو ملتونو د دوحې په غونډه کې د افغان ښځو او مدني ټولنې د استازو د نومونو له څرګندولو ډډه وکړه. دغه غونډه د تړلو دروازو تر شا پیل شوه، او د دوحې څخه د افغانستان انټرنشنل خبریالانو راپور ورکړ چې په غونډه کې دریو افغان فعالانو په مخامخ ډول او پنځو په انلاین ډول ګډون کړی دی.
د افغانستان لپاره د ایران ځانګړي استازي خبر ورکړی، چې د دوحې په غونډه کې د ګډون لپاره د یوه پلاوي په مشرۍ قطر ته تللی دی. حسن کاظمي قمي پر خپلې اېکس پاڼه لیکلي، چې د دوحې غونډې له لارې به د افغانستان په اړه د تهران اندېښنې ملګرو ملتونو او ګډون کوونکو هېوادونو ته ورسوي.
د افغانستان انټرنشنل خبریال له دوحې څخه وايي، چې د یوناما مشره رزا اوتونبایوا او د اروپايي ټولنې ځانګړی استازی توماس نېکلسون د دوحې د درېیمې ناستې ځای ته ورسېدل.