نیویارک ټایمز د ځینو امریکايي چارواکو له حوالې خبر ورکړی، چې د ټرمپ اداره د یوه اجرایوي فرمان په مسوده کار کوي چې له مخې یې د بهرنیو چارو په وزارت کې بدلونونه راولي چې ښايي د افغان مېرمنو لپاره د امریکا د ځانګړې استازې د دفتر لغوه کېدو لامل شي.
ملګرو ملتونو پر خپله ایکس پاڼه د یوه پیغام په خپرولو سره یو ځل بیا زدهکړو ته د افغان نجونو پر حق او بشپړ لاسرسي ټینګار کړی او د میلیونونو نجونو له ښوونځیو څخه د محرومیت د پای ته رسولو غوښتنه یې کړې ده.
د بي بي سي انګریزي څانګې تازه په یوه راپور کې ویلي، نږدې درې کاله کېږي، چې طالبانو له شپږم ټولکي پورته د نجونو پر هر ډول زدهکړو بندیز لګولی، چې له امله یې دا مهال زرګونه نجونې او مېرمنې د غالۍ اوبدلو سخت او کم عایده کار ته اړې شوې دي.
یوه سرچینه افغانستان انټرنشنل - پښتو ته وايي، چې طالبانو په«پتینګړه کاکۍ» مشهوره افغانيالاصله کاناډايي مېرمن، ندیمه نیولې ده. د سرچینې په خبره، یاده ټولنیزه فعاله څو ورځې وړاندې نیول شوې او اوسمهال د دغې ډلې ۴۰ ریاست ته لېږدول شوې ده.
د ملګرو ملتونو پراختیايي ادارې په خپل راپور کې ویلي، چې د طالبانو له خوا پر ښځو او د هغوی پر کار کولو د محدودیتونو او سختو تګلارو زیاتېدل به په راتلونکو دوو کلونو کې د افغانستان اقتصاد ته یو میلیارد ډالره زیان ورسوي.
ډیپلومات مجلې په خپله یوه خپره کړې مقاله کې د ځینو افغان مېرمنو له قوله ویلي، چې دوی له ملګرو ملتونو غواړي، چې افغان ښځې د خبرو اترو میز ته راولي، ترڅو دوی په خپله د خپلو حقونو دفاع وکړي.
د ملګرو ملتونو د وګړو صندوق وایي، چې د روان کال د اپرېل له پیل راهیسې له پاکستان څخه د افغان کډوالو د جبري ستنېدنې د دویم پړاو پرمهال ۱۷ مېرمنو په صفري نقطو کې په خوندي ډول ماشومان زېږولي دي.
د پاکستان د سند صوبايي حکومت سارا جاوید د سانګړ ولسوالۍ لپاره مرستیال کمېشنره ټاکلې ده. دا دې صوبې په تاریخ کې اول ځل دی چې یوه عیسوۍ مرستیال کمېشنره ټاکل کېږي.
د کرکټ نړیوالې شورااعلان وکړ چې له خپلو شریکانو سره په ګډه د هغو افغان ښځینه لوبغاړو لپاره یو ځانګړی صندوق جوړوي، چې د طالبانو د محدودیتونو له امله له هېواده وتلې او اوس جلا وطنه دي.
د پنجاب سروزیرې مریم نواز له زده کړو څخه د افغان نجونو پر محرومېدو خواشیني څرګنده کړه. مریم نواز په ترکیه کې د ۲۰۲۵ کال د انتالیا څلورم نړۍوال ډیپلوماسي فورم کې د خبرو په ترڅ کې د نجونو د زده کړو پر اړتیا ټینګار وکړ.
د بریتانیا یوې محکمې د فرشته جامي په نوم ۳۶ کلنه افغان مېرمن له داعش سره د یوځای کېدو په تور مجرمه ګڼلې او په عمر بند یې محکومه کړې. فرشته جامې به لږ ترلږه به ۱۷ کاله په زندان کې تېروي.
د سان مارینو جمهوریت نن (د وري ۲۱مه) د بشري حقونو په اړه د یوې مهمې غونډې کوربه دی. یوراسیا راپور ورکړی، چې دغه غونډه به تر ډېره په افغانستان کې د طالبانو د واکمنۍ لاندې د ښځو پر وضعیت متمرکزه وي.
د خوړو نړۍوال پروګرام وایي، چې د مرستو درېدو له امله په افغانستان کې ښځې او ماشومان تر ټولو ډېر زیان منوونکي دي. دغه پروګرام پر اېکس پاڼه کاږلي، چې د بودجې د پراخ کمښت له امله تر ۶۵۰ زرو زیاتې مېندې او ماشومان د تغذیې له حیاتي مرستو بې برخې شوي دي.
نږدې څلور کاله کېږي، چې طالبانو له شپږم ټولګي پورته د نجونو پر زدهکړو بندیز لګولی؛ چې له امله یې په افغانستان کې د میلیونونو نجونو هیلې مړاوې شوې دي. عرب نیوز په دې اړه له یو شمېر کارپوهانو سره مرکې کړي، چې که دغه حالت همداسې دوام وکړي نو پایلې به یې څه وي.
د افغان ښځو او نجونو د زدهکړو او سیاسي مشارکت په اړه دغه ځانګړې ناسته د دوشنبې په ورځ په ویانا ښار کې د اروپا د امنیت او همکارۍ سازمان په دفتر کې جوړه شوې وه.
باخبرو سرچینو د دوشنبې په ورځ افغانستان انټرنشنل ته وویل، چې په بغلان ولایت کې د کورني تاوتریخوالي قرباني قدریه تر هغه وروسته چې د طالبانو له خوا د هغې کورنۍ ته سپارل شوې وه، سخته وهل شوې ده. د سرچینو په وینا، په دې وهلو کې د قدریې مخ ته جدي زیان رسېدلی دی.
د ماشومانو لپاره د ملګرو ملتونو نړۍوال صندوق وايي، چې په افغانستان کې په هرو ۴۰ مېندواره مېرمنو کې یوه یې د زېږون پرمهال مري. یونېسف خبرداری ورکړی، چې په ټوله نړۍ کې د مرستو کمښت د زېږون پرمهال د مېندو د مړینې مخنیوي په برخه کې شوی پرمختګ ګواښي.
انبيسي نیوز رپوټ ورکړی چې د طالبانو د مشرانو ترمنځ د نجونو د زدهکړو پر سر اختلافات ورځ تر بلې زیاتېږي. درې جګپوړو طالب چارواکو، چې نه یې غوښتل نومونه یې افشا شي، انبيسي ته ویلي چې د طالبانو د کندهار او کابل ډلو ترمنځ ژور او زیاتېدونکی اختلاف موجود دی.
په بغلان کې یوې سرچینې افغانستان انټرنشنل ته ویلي، چې طالبانو د قدریه په نوم یوه ښځینه زنداني چې د کورني تاوتریخوالي قرباني وه، خپل پلار ته سپارلې ده. قدريه مخکې خبرداری ورکړی و، چې که یې پلار ته وسپارل شي، وژل کېږي.
بریتانوۍ کارډین ورځپاڼه په خپل یوه راپور کې ویلي، یوه افغان مېرمن چې افغانستان کې یې د بشري حقونو د دفاع په برخه کې کار کاوه او د طالبانو واکمنېدو سره بریتانیا کې مېشته شوې، اوس د بریتانیا کورنیو چارو وزارت د هغې پناه غوښتنه رد کړې او ویلي یې دي، چې افغانستان ته یې تګ خوندي دی.
د طالبانو د چارو ادارې عمومي رییس نورالحق نور ویلي، د افغان ښځو هغه حقونه یې بېرته راژوندي کړي، چې دوی ترې په تېرو کلونو کې محرومې شوې وې. طالبان دا څرګندونې داسې مهال کوي، چې افغانستان د ښځو حقونو د سرغړونې په برخه کې له خطرناکو هېوادونو ګنل کېږي.
د پخواني جمهوري نظام له نسکوریدو وروسته طالبانو په قضایي او عدلي سېسټم کې هم د ښځو پر وړاندې سخت بندیزونه لګولي، چې له امله یې ښځینه قاضیانو او څارنوالانو دندې له لاسه ورکړې او له جدي ننګونو او کړاونو سره مخ دي.