نړۍ

فریدریش مارز چې له امریکا څخه د اروپا د خپلواکۍ ملاتړی دی؛ په پارلماني ټاکنو کې یې تر خپلې بریا وروسته ویلي، چې جرمني او اروپا باید په تدریجي ډول له متحده ایالاتو خپلواک شي.

افغان پانګه وال میرویس عزیزي غواړي، چې په متحده عربي اماراتو کې د درې میلیارده امارتي درهمو په ارزښت د خپلې لور فرشتې عزیزي په نوم یو روغتون جوړ کړي. په دغه روغتون کې به د سرطاني ناروغیو د څېړنې مرکز هم شامل وي.

د اوکراین ولسمشر ولادیمیر زېلېنسکي په دغه هېواد د روسیې د برید د درېیمې کلیزې په مناسبت د یکشنبې په ورځ وویل، چې دی چمتو دی څو په ناټو کې د اوکراین د غړیتوب په صورت کې له ولسمشرۍ لاس په سر شي.

دالمان لومړي وزیر اولاف شولتز د یکشنبې په ورځ د دغه هېواد په پارلماني ټاکنو کې د خپل ګوند ماته ومنله او خپل محافظه کار سیال فریدرېش میرتس ته یې چې د ټاکنو د پایلو له مخې د جرمني نوی لومړی وزیر شو، مبارکي ورکړه.

د لبنان په پلازمېنه بېروت کې د یکشنبې په ورځ د حزب الله د پخواني مشر حسن نصرالله د جنازې په مراسمو کې زرګونو کسانو ګډون وکړ.

د افغانستان لپاره د امریکا پخواني ځانګړي استازي زلمي خلیلزاد د پاکستان روان وضعیت ته په کتو سره ویلي، چې د دغه هېواد پوځ او اقتصاد په بد حالت کې دي.

د سویس پولیسو د یکشنبې په ورځ وویل، چې دوی یو ۲۸ کلن اسټرالیایی سړی د زوریخ ښار په یوه سوداګریز مرکز کې پر یوه ۴۱ کلن سړي د چاقو د برید او ټپي کولو په شک نیولی دی. پولیسو ویلي چې د شکمن کس د برید انګېزه لا څرګنده نه ده او په اړه یې پلټنې روانې دي.

د ټرمپ ادارې د امریکا د کډوالو او ګمرکاتو پلي کونې ادارې (ICE) ته لارښوونه کړې چې د سلګونو زرو هغو کډوالو ماشومانو د موندلو هڅه وکړي، چې له والدینو پرته امریکا ته داخل شوي دي. دا د ټرمپ د پراخې ډله‌ییزې شړنې د تګلارې یو بل پړاو دی.

د جرمني خلک نن (یکشنبه) د فدرالي ټاکنو لپاره د رای اچونې مرکزونوته روان دي، چې خپل استازي وټاکي. سږکال له ۵۹ میلیونو زیات کسان د رای اچونې حق لري.

د ټرمپ په کابینه کې د امریکا د اغېزناکتوب ادارې مشر ایلان ماسک خبرداری ورکړی، چې هر هغه فدرالي کارکوونکی به له دندې ګوښه کړي چې په اونۍ کې د ترسره کړو کارونو رپوټ ور نه کړي. ماسک په اېکس کې ولیکل، «دغه برېښنالیک ته په ځواب ورکولو کې پاتې راتلل به استعفا وګڼل شي».

د یورونیوز د راپور له مخې، ټاکل شوې چې ټرمپ او پوتین به د روانې اونۍ د سې شنبې په ورځ سعودي عربستان کې د اوکراین په اړه سره مخامخ خبرې وکړي.

د پاکستانۍ رسنۍ خراسان ډایري د راپور له مخې، د خېبر پښتونخوا ایالت اړوند په ډرابڼ سیمه کې د «ټي‌ټي‌پي» وسله‌والو او د یاد هېواد امنیتي‌ ځواکونو ترمنځ نښته شوې ده.

د اسراییل د لومړي وزیر دفتر اعلان کړی، چې د حماس له‌‌خوا د اوربند د هوکړې د پر‌لپسې سرغړونو له امله اسراییل د ۶۲۰ فلسطیني بندیانو خوشې کول ځنډوي.

په ټول پاکستان کې د روان کال له پیله تر اوسه د پولیو دا درېیمه پېښه ده، چې تازه په سند ایالت کې ثبت شوې ده.

د فرانسې ولسمشر اېمانوېل مکرون په مولز ښار کې د چاکو برید یوه «سختدریځه اسلامپاله» کړنه بللې او ټینګار یې کړی، چې له دغه هېواده به د ترهګرۍ جرړې باسي.

د امریکا پوځ د یکشنبې په ورځ وویل، چې یوه ورځ مخکې یې د سوریې په شمال لوېدیځ کې د یوه هوایي برید په ترڅ کې د القاعدې یو جګپوړی چارواکی وسیم تحسین برقدار وژلی دی.

د طالبانو د ریاست الوزراء اقتصادي مرستیال عبدالغني برادر د ازبکستان له چارواکو وغوښتل، چې په سالنګ کې د دویم تونل د جوړولو په برخه کې پانګونه وکړي.

جیش العدل د ایران د سیستان او بلوچستان ولایت په چابهار ښار کې د کور جوړنې بنسټ د مرکزي دفتر په ودانۍ د برید او چاودنې مسوولیت په غاړه واخیست. دې ډلې ویلي، په دې اداره یې برید ځکه وکړ، چې د مکران د ساحلونو د پراختیا په څېر پروژو لپاره یې د چابهار د خلکو کورونه ویجاړ کړي.