افغانستان

د ننګرهار په کوشتې ولسوالۍ کې د طالبانو او پاکستاني ځواکونو ترمنځ نښته شوې او همدا ډول په خاص کونړ ولسوالۍ شالۍ درې سیمه کې پاکستاني ځواکونو راکټي بریدونه ترسره کړي دي.

د «هه‌نګاو» په نوم د بشري حقونو سازمان په یو تازه راپور کې ویلي چې ایران په تېرو دوو ورځو کې د دوو افغانانو په ګډون اته کسان اعدام کړي دي.

د پاکستان د لومړي وزیر مرستیال او د بهرنیو چارو وزیر اسحاق ډار د طالبانو له حکومت غوښتي چې خپله خاوره دې د ترهګرۍ لپاره نه کاروي، مګر طالبان ادعا کوي چې پاکستان په خپله خاوره کې د داعش لپاره مرکزونه جوړ کړي او په افغانستان کې برېدونه پلان کوي.

په پاکستان کې د طالبانو سفارت وايي، په لنډ وخت کې له اسلام اباد او راولپنډۍ د افغان کډوالو ایستل د پاکستان یو اړخيزه پرېکړه ده او دوی په دې هکله خپله اندېښنه څرګندوي. طالبانو ویلي، چې پاکستان له همدې ښارونو د کډوالو د ژر ایستلو موضوع له دوی او یونیسیار سره نه ده شریکه کړې.

ژبه د انساني ټولنې اساس او بنسټ دی. د فرهنګونو، روایاتو او انساني ژوند ژواک د پرمختګ او شعوري کېدو وسیله ده، د فکر د بیان او احساساتو د څرګندولو غږیز جوړښت دی.

واشنګټن پوسټ په خپل یوه راپور کې وايي، چې د امریکا د ولسمشر ډونالډ ټرمپ له لوري د بهرنیو مرستو ځنډولو په افغانستان او له افغانستان نه بیرون د زرګونو افغان نجونو او میرمنو انلاین زدکړې او بورسونه له ګواښ سره مخ کړي دي.

د طالبانو تر واک لاندې د افغانستان بانک رییس په رویسه کې د سایبري امنیت نړیوال کانفرانس کې د خپلې وینا پر مهال ویلي، چې دغه بانک د سایبري امنیت په برخه کې نړیوال میعارونه تعقیبوي او د عصري ټیکنالوژۍ په کارولو سره یې د افغانستان د مالي سکتور خوندیتوب پیاوړی کړی دی.

د ایران د بشري حقونو سازمان په خپل کلني راپور کې ویلي، چې د ۲۰۲۴ کال په اوږدو کې د ایران حکومت لږ تر لږه ۸۰ افغان وګړي په دار ځړولي دي. دغه سازمان وايي، چې په ۲۰۲۳ کال کې د اعدام شویو افغانانو د شمېر پرتله درې برابره زیاتوالی راغلی.

د امریکا د بهرنیو چارو وزیر مارکو روبیو له کاناډایي - امریکایي خبریالې کاټرین هاریج سره په یوه ځانګړې مرکه کې په افغانستان کې د ترهګرو ډلو د فعالیتونو په اړه خبرداری ورکړ او د طالبانو له‌خوا پر دغه هیواد د بشپړ واک خبره یې تر پوښتنې لاندې راوستې.

د افغانستان د مخکني جمهوري حکومت لومړي مرستیال امرالله صالح د جمعې په ورځ د (کب دریمه) په خپله اېکس پاڼه لیکلي، چې د طالبانو تر منځ داخلي اختلافات دومره زیات شوي، چې د دغې ډلې په امنیتي جوړښت کې یې مهم بدلونونه رامنځته کړي.

جاپان د طالبانو له حکومت غوښتي، چې بشري حقونو درناوی وکړي او افغانستان کې ټولګډونه حکومت جوړ کړي. دغه غوښتنه د جاپان د حکومت له لوري دغه هېواد ته د طالبانو د یوه لوړپوړي پلاوی د سفر پر مهال په یوې ګډه ناسته کې مطرح شوې ده.

یوه افغان سوداګر میرویس عزیزي د (کب دویمه) ویلي، چې د سرطان ناروغۍ د درملنې روغتون په ګډون یې په کابل کې د یوه لوی روغتیایي ښارګوټي د جوړولو تابیا کړې. نوموړي دغه روغتیايي ښارګوټی د خپلې لور «فرشته عزیزي» په نوم کړی، چې د سرطان په ناروغۍ تېر کال مړه شوې وه.

هندي مجلې اورګنایزر د (کب دویمه) په خپلو استخباراتي ارزونو کې خبرداری ورکړی، چې داعش په راتلونکې روژې میاشت کې په افغانستان او هند کې د لویو بریدونو پلانونه لري. افغانستان کې د داعش ډله د ملګرو ملتونو له لوري د نړۍ له خطرناکو ترهګرو ډلو شمېرل شوې.

افغانستان کې د پخواني حکومت د ښځو چارو وزیره وايي، د طالبانو له بیا واک ته رسېدو وروسته افغانستان له تیارو سره مخ شوی او د کورني کړکېچ تر څنګ له نړۍوالو ننګونو سره هم مخ دی. مسعوده جلال ټینګار کوي چې دغه ستونزه «د حل وړ» ده.

د وروستي جمهوري نظام د دفاع پخواني سرپرست وزیر شاه محمود میاخېل په ویانا کې د طالبانو مخالفو سیاسي اشخاصو پنځمې غونډې ته په غبرګون کې ویلي، چې د طالبانو ظالمانه واکمنۍ لپاره مخالفت د ستاینې وړ دی خو د دغې غونډې زیات شمېر ګډونوال د قومي اجنډا فکر لرونکي وو.

د امریکا ولسمشر مرستیال جي ډي وېنس د بهرنیو مرستو له ځنډېدو څخه په دفاع کې ویلي چې د امریکا حکومت د دغه هېواد د مالیه‌ ورکوونکو پیسې په افغانستان او نورو هېوادونو کې د «خځلو پر پروژو» لګولي دي.

د طالبانو رییس الوزرا اداري مرستیال مولوي عبدالسلام حنفي د ککړې هوا د مخنوي په اړه د څېړنو او د تودخې په مرکزونو کې د فلټرونو د لګولو په اړه خبر ورکړی، دا په داسې حال کې ده چې له پنځو کلونو د کم عمره ماشومانو له ۴۰ سلنې زیاتې مړینې د هوا د ککړتیا له امله رامنځته کیږي.

له ننګرهاره ځایي سرچینو افغانستان انټرنشنل-پښتو ته ویلي، چې طالبانو د جلال‌اباد ښار په «مخابراتو څلورلارې» کې د ښاروالۍ له‌خوا لګېدلی لوی سکرین غیرفعال کړی دی.