د طالبانو امینتي او تصفیوي کمېسیون د یادې ډلې د دفاع وزیر مولوي یعقوب په مشرۍ ناسته کړې او د محرم الحرام په میاشت کې یې د شیعهوو د امنیت پر ټینګښت او خوندیتوب ټنګار کړی دی.
د جرمني بیلډ ورځپاڼې خبر ورکړی، چې د ترکیې په استانبول ښار کې د طالبانو له استازو سره د خبرو په پایله کې ددې ډلې څلور تنه ډيپلوماټان منل شوي، چې ددوو پخوانیو په ګډون ټول شپږ تنه کیږي. برلین ویلي، چې د اسنادو له صادرولو وړاندې به ددغو کسانو په اړه پلټنې وشي.
د پکتیا ولایت د ډنډې پټان ولسوالۍ یو شمېر اوسېدونکي وايي، د طالبانو له لوري ښوونځیو ته د ټیلیفونونو پر وړلو بندیز زدهکوونکي له ګڼو ستونزو سره مخ کړي. دوی وایي چې ډیورنډ کرښې نږدې ژوند کوي او د موبایل کارونې بندیز له پېښو وروسته خپلو کورنیو ته د خبر ورکولو له مشکل سره مخ کړي.
یو شمېر افغانان چې د ترکیې د تحصیلي ویزو غوښتنه لري، شکایت کوي چې د ویزې د ترلاسه کولو لپاره د ټولو اړینو اسنادو او مالي شرایطو له برابرولو سره سره یې غوښتنلیکونه له څرګند دلیل پرته رد کېږي او د ردېدو لاملونه هم نه ورته ویل کېږي.
د طالبانو تر کنټرول لاندې د کډوالو ستونزو ته د رسېدنې عالي کمېسیون ویلي، چې له پاکستان او ایران څخه تېره ورځ ۳۹۴ کډوالې کورنۍ چې ټول ۲۱۴۰ تنه کېږي، له بېلابېلو لارو هېواد ته په جبري راستانه کړل شوې دي.
د کندهار د پنجوايي د ناخونې له خړو کوڅو او د تختهپُل د تنګي له ریګونو د یوه داسې سړي کیسه پیلېږي چې افغانستان یې په حکمونو او فرمانونو چلیږي، خو څېره یې لا هم له خلکو پټه ده. د هبتالله اخوندزاده د شخصي ژوند په اړه لا هم ډېر څه د روایتونو، کیسو او محدودو معلوماتو ترمنځ ورک دي.
د طالبانو او ایران اړیکه چې یو وخت پوځي تقابل ته رسېدلې وه، نن د غلي تعامل په چوکاټ کې تعریفېږي. طالبان، چې ځان د سني اسلام استازي ګڼي او د ایران نظام، چې د شیعه نړۍ له مهمو قدرتونو شمېرل کېږي، اوس داسې اړیکه پالي، چې د مذهبي اختلافونو پر ځای پکې دوه اړخیزې اړتیاوې غالبې دی.
بروکسل ته د طالبانو د پنځه کسیز پلاوي سفر، که څه هم په ظاهره د افغان کډوالو د بېرته ستنولو په اړه د تخنیکي خبرو لپاره ترسره شوی، خو سیاسي او ډېپلوماتیک اهمیت یې تر دې موضوع ډېر پراخ دی.
د طالبانو د دفاع وزارت ویاند د جون د میاشتې په نولسمه نېټه ادعا کړې ده چې د هغوی بې پیلوټه الوتکو په بلوچستان او پښتونخوا کې د داعـ.ش په پټ ځایونو بریدونه کړي دي.د بریدونو هدف د بلوچستان د قلعه عبدالله ګلستان، د چاغي ګردی ځنګل او د پښتونخوا د اورکزۍ ولسوالۍ قمبرخېل سیمه ګڼل شوي.
