ژوندیډونالډ ټرمپ د امریکا د ۴۷م ولسمشر په توګه خپله دنده پیل کړه

‏ د طالبانو د بهرنیو چارو په وزارت کې سلاکار ذاکر جلالي وایي، په امريکا کې د ټرمپ ادارې د کار له پيل سره د دې اټکل کېږي چې د طالبانو سره دواړه لوري به لازيات پرمختګونه ولري.

د ناروې د کډوالو شورا سرمنشي جان اګلېند وایي، چې د ټرمپ له‌خوا د ۹۰ ورځو لپاره د مرستو ځنډول په افغانستان کې د بې ځایه شویو او له لوږې سره د مخامخ شویو کسانو لپاره یو «وحشتناک» خبر دی.

د امریکا نوي ولسمشر ډونالډ ټرمپ د خپل پخواني ملي امنیت سلاکار جان بولټن پر وړاندې محافظتي تدابیر لغوه کړل.

د امریکا د ۱۸ ایالتونو لویو څارنوالانو په یوه ګډ شکایت کې په متحده ایالاتو کې د زېږون پر اساس د تابعیت د حقونو د لغوه کولو په اړه د ټرمپ د فرمان د لغوې غوښتنه وکړه.

د امریکا د نوي ولسمشر ډونالډ ټرمپ د ادارې سرحدي سلاکار سي اېن اېن ته وویل، چې حکومت د کډوالۍ د کنټرول لپاره د هدفي اقداماتو د پلي کولو په حال کې ده.

د کاناډا لومړي وزیر جسټین ټروډو د سې شنبه په ورځ په اوټاوا کې یوه خبري کنفرانس کې وویل، چې که ټرمپ د کاناډا پر توکو ۲۵ سلنه تعرفه ولګوي، کاناډا به «پرېکنده او سمدستي» غبرګون وښيي.

د امریکا ولسمشر ډونالډ ټرمپ د دوشنبې په ورځ په خپل کاري دفتر کې خبریالانو ته وويل، چې ژر به له خپل روسيي سيال ولاديمير پوتين سره وويني ترڅو د اوکراین جګړې د پای ته رسولو هڅه وکړي.

د روغتیا نړیوال سازمان د ډونالډ ټرمپ د وروستۍ پریکړې په اړه خواشیني څرګنده کړه، چې متحده ایالات له دې سازمان وباسي.

دغه سازمان له واشنګټن وغوښتل چې پر خپله پرېکړه له سره غور او په دې مسله کې له دې سازمان سره رغنده خبرې وکړي.

د پاکستان د کورنیو چارو وزیر محسن نقوي ویلي، د ټرمپ په ولسمشرۍ کې به د پاکستان او امریکا د اړیکو نوی څپرکی پیل شي.

نقوي امریکا ته د خپل سفر په جریان کې په یوه ځانګړې مېلمستیا کې په ګډون له د امریکایي سناتورانو، د کانګرس غړو او نورو مهمو شخصیتونو سره ولیدل.

د امریکا د استازو جرګې پخوانۍ مشرې نانسي پلوسي د ولسمشر ټرمپ پر هغه فرمان نیوکه وکړه، چې له مخې یې د ۲۰۲۱ کال (د جنورۍ د ۶مې) په پېښه کې تر ۱۰۰۰ څخه زیاتو تورنو کسانو ته بښنه وکړه.

د پاکستان دفاع وزير خواجه اصف د کومې ډلې د نوم اخیستلو پرته ويلي، چې د دوی د سياسي ډلو هیلې له امريکا سره تړلې دي؛ خو امريكايان بیا خپلې ګټې لري.

د امریکا نوی ولسمشر ډونالډ ټرمپ وایي، چې په غزه کې د اسراییل او حماس ډلې ترمنځ په شوي اوربند باوري نه دی.

هغه وایي، د دغه اوربند پر بشپړ پلې کېدو باوري نه دی.

د امریکا نوي ولسمشر ډونلډ ټرمپ هیله څرګنده کړې چې سعودي عربستان به هم د ابراهیم تړون برخه شي او د اسراییل سره به یې اړیکې هم بېرته ورغوي.

د مکسیکو ولسمشرې کلاډیا شینبام ټرمپ ته واک ته د بېرته راستنېدو مبارکي ورکړې ده.
هغه وایي، چې د مکسیکو سره اړیکې باید د متقابل درناوي پر بنسټ ترسره شي.

د تحریر الشام وسله‌والې ډلې مشر احمد الشرع چې د سوریې د پخواني مشر بشار الاسد حکومت یې نسکور کړ، ټرمپ ته د سپینې ماڼۍ ته د راستنېدو مبارکي ورکړې ده.

مارکو روبیو چې د ترهګریز سازمان په توګه د طالبانو د پېژندلو پلوی دی، د امریکا د بهرنیو چارو وزیر په توګه وټاکل شو.

په واشنګټن کې د سعودي عربستان سفیرې ریما بنت بندر د امریکا د نوي ولسمشر د لوړې له مراسمو وروسته ویلي، چې د دواړو هېوادونو ترمنځ اړیکې تاریخي دي.

د کاناډا لومړي وزیر جسټن ټروډو د متحده ایالاتو نوي ولسمشر ډونالډ ټرمپ ته مبارکي ورکړې او ویلي یې دي، چې د ګډ کار په ترڅ کې به په دواړو هېوادونو کې ډېرې دندې او سوکالۍ رامنځته کړي.

د اف بي ای د مدیریت لپاره د امریکا د نوي ولسمشر ډونالډ ټرمپ له خوا نوماند کش پټېل وایي، چې په امریکا کې به د بدلونونو نوی بهیر پیل شي.

پخواني ولسمشر حامد کرزي د امریکا د نوي ولسمشر ډونالډ ټرمپ د لوړې له مراسمو وروسته وویل؛ هیله لري چې د امریکا نوې اداره د امريکايانو لپاره لا زيات پرمختګ او سوکالي راولي.

د پانامې ولسمشر د پانامې د کانال په اړه د ډونالډ ټرمپ د وروستیو څرګندونو په غبرګون وویل، چې د پانامې کانال به همداراز پانامه پاتې شي.

د برېتانیا لومړي وزیر کېیر سټارمر د متحده ایالاتو نوي ولسمشر ډونالډ ټرمپ ته د هغه هېواد د ولسمشر په توګه د دندې د پیولو مبارکي ورکړې او ویلي یې دي، چې د امریکا او برېتانیا ځانګړې اړیکې به دوام پیدا کړي.

د امریکا د نوي متنخب ولسمشر ډونالډ ټرمپ د لوړې مراسم پایته ورسېدل.

د اسټرالیا لومړی وزیر انټوني البانیز د متحده ایالاتو نوي ولسمشر ډونالډ ټرمپ ته مبارکي ورکړې او ویلي یې دې، چې د راتلونکو فرصتونو او ننګونو په اړه کډ کار کولو ته سترګې په لار دی.

د پاکستان لومړي وزیر شهباز شریف د متحده ایالاتو نوي ولسمشر ډونالډ ټرمپ ته د ولسمشر په توکه مبارکي ورکړې او ویلي یې دي، چې له ټرمپ سره د پاکستان او امریکا د دوامداره ملګرتیا پیاوړي کولو په موخه ګډ کار ته سترګې په لاره دی.

ډونالډ ټرمپ د امریکا د ولسمشر په توګه د لوړې له مراسمو وروسته په خپله وینا کې امریکایان بې مثاله وګڼل او ویې ویل، چې مخترعان او کاشفان دي او هیچا داسې لاسته راوړنه نه درلوده.

د هندوستان لومړي وزیر نرېندرا موډي د متحده ایالاتو نوي ولسمشر ډونالډ ټرمپ ته مبارکې ورکړې او هیله یې څرګنده کړې، چې د هند او امریکا د ګډو ګټو د خوندي کولو لپاره به په ګډه کار وکړي.

ډونالډ ټرمپ د امریکا د ولسمشر په توګه د لوړې له مراسمو وروسته په خپله وینا کې وویل، چې ټول پوځي پرسونل چې له پوځ نه په ناعادلانه ډول د کووید ۱۹ واکسین نه لګولو له امله اېستل شوي، بېرته به یې پوځ ته راوګرځوي.

ډونالډ ټرمپ د امریکا د ولسمشر په توګه د لوړې له مراسمو وروسته په خپله وینا کې وویل، چې ده د میلیوني رایو په اختلاف یې د ټولو خلکو رایې ګټلې دي.

ډونالډ ټرمپ د امریکا د ولسمشر په توګه د لوړې له مراسمو وروسته په خپله وینا کې وویل، چې د امریکا طلايي دور له همدې شیبې پیلیږي.

د امریکا منتخب ولسمشر ډونالډ ټرمپ د یو لړ مراسمو په ترڅ کې د لوړې مراسم پرځای وکړل.

نوموړي په ۳۵ کلمو کې د لوړې متن تکرار کړ او په دې توګه د امریکا ۴۷ ولسمشر شو، چې خپله نوې دوره پیلوي.

بایډن نوموړي ته لاس ورکړ، چې د نوي امریکايي ولسمشر په توګه خپلې چارې پیل کړي.

د ولسمشر ډونالډ ټرمپ د لېږد ټیم له یو شمېر لوړپوړو ډیپلوماتانو غوښتنه کړې چې له خپلو دندو استعفاوې وکړي.

د امریکا د نوي ۴۷م منتخب ولسمشر ډونالډ ټرمپ د لوړې مراسم په کانګرس کې پیل شول او په څو شېبو کې به ټرمپ د امریکا د نوي ولسمشر په توګه لوړه وکړي.

د امریکا ۴۷م منتخب ولسمشر ډونالډ ټرمپ د ځانګړو مراسمو په ترڅ کې د کانګرس ودانۍ ته داخل شو او ټاکل شوې چې په څو شېبو کې به د لوړې مراسم پیل شي.

د امریکا منتخب ولسمشر ډونالډ ټرمپ به پر څوکۍ له کښېناستو سره سم اجرایوي فرمانونه صادر کړي چې د تنوع، مساوات او شمولیت (DEI) پروګرامونه به ختم کړي او اعلان به وکړي چې د امریکا فدرالي حکومت یوازې دوه جنسونه، نارینه او ښځینه، په رسمیت پیژني.

د امریکا د پخوانیو ولسمشرانو په ګډون د بېلابېلو مذاهبو مشران، ډېپلوماټان او مشران سیاستوال د ډونالډ ټرمپ د لوړې په مراسمو کې د ګډون لپاره د امریکا د کانګرس ودانۍ ته راغلي دي.

په ورته وخت کې د ډونالډ ټرمپ د کورنۍ په ګډون د امریکا ګڼ شمېر چارواکي هم دغې ودانۍ ته داخل شوي دي.

سپینې ماڼۍ ته د ډونالډ ټرمپ د بیرته ستنیدو په اړه د چین چارواکي او خلک هیله‌مند دي، خو اندېښمن هم دي، ځکه دوی غواړي د هغې سوداګریزې جګړې د تکرار مخه ونیسي چې د هغه په لومړۍ دوره کې یې د دواړو اقتصادي ځواکمنو هیوادونو ترمنځ کړکیچ رامنځته کړ.

د امریکا پخوانی ولسمشر بارک اوباما د منتخب ولسمشر ډونالډ ټرمپ د لوړې مراسمو ته یوازې راغی، ځکه مېرمنې یې ویلي نه غواړي داسې چا ته موسکه شي، چې نوموړې یې په بنسټیز ډول د امریکا د ډیموکراسۍ لپاره ګواښ ګڼي.

د پاکستان لپاره د افغانستان د وروستي جمهوري دولت پخوانی استازی عمر داودزی وايي چې د ټرمپ د لوړې د مراسمو په لیدو یې د افغانستان د جمهوریت د ولسمشر د لوړې مراسم په یاد شول چې یو ولسمشر بل منتخب ولسمشر ته هر کلی وایه.

په سپینه ماڼۍ کې له یوې وړې ناستې وروسته جو بایډن او ټرمپ په یوه لیموزین کې د امریکا کیپیټل ته لاړل چې د منتخب ولسمشر د لوړې په مراسمو کې ګډون وکړي.

د روسیې ولسمشر ولادیمیر پوتین د دوشنبې په ورځ د امریکا منتخب ولسمشر ډونالډ ټرمپ ته د هغه د لوړې له مراسمو وړاندې مبارکي وویله او د سپینې ماڼۍ له نوې ادارې سره یې د خبرو اترو لپاره خپل چمتووالی څرګند کړ.

د امریکا ولسمشر جو بایډن او لومړۍ میرمنې جیل بایډن سپینې ماڼۍ ته د منتخب ولسمشر ډونالډ ټرمپ او میلانیا ټرمپ هرکلی ووایه.

ټرمپ به د خپلې لوړې له مراسمو وروسته ۱۱ اجراییوي فرمانونه لاسلیکوي، چې د پولو کنټرول او په پولو کې د امریکايي ځواکونو ځای پر ځای کول هم پکې شامل دي.

#ډونالډ_ټرمپ د لوړې مراسمو په درشل کې بېګا په واشنګټن کې خپلو ملاتړو ته وویل، چې امریکا کې به نوی پړاو پیل شي. داسې پړاو چې د امریکایانو لپاره به «قدرت، پراختیا، عزت او غرو» ولري.