اسراییل د جولای په ۱۹مه د غزې په منځني ښار النصرات سیمه کې پر یو کور هوایي برید وکړ او کور ونړېد، په کور کې د نهه میاشتو یوه حامله مېرمنه وه، د ژغورنې ټیم مېرمن روغتون ته ورسوله خو ډاکټرانو ونه شو کړی چې مېرمنه وژغوري خو د هغې له نس څخه یې ماشوم وژغوره.
نوی زیږېدلی ماشوم وروسته د دیر البلاغ ښار الاقصی روغتون ته ولیږدول شو، چیرته چې د هغه پالنه کیږي، د ماشوم نوم ملک یاسین کېښودل شو.
د الاقصی روغتون ډاکټر خلیل الدکران وویل: «شکر دی چې ماشوم وژغورل شو او د ماشوم حالت سم دی.»
ډاکټر خلیل وویل، چې د دغه ماشوم ګناه څه وه، چې په دغو سختو شرایطو او بد حالت کې خپل ژوند پیلوي؟
نوی زېږیدلی ماشوم وروسته د دیر البلاغ ښار الاقصی روغتون ته ولیږدول شو، چیرته چې د هغه پالنه کیږي، د ماشوم نوم ملک یاسین کېښودل شو.
د الاقصی روغتون ډاکټر خلیل الدکران وویل: «شکر دی چې ماشوم وژغورل شو او د ماشوم حالت سم دی.»
ډاکټر خلیل وویل، چې د دغه ماشوم ګناه څه وه چې په دغو سختو شرایطو او بد حالت کې خپل ژوند پیلوي؟
د اکتوبر له اوومې راهیسې په غزه کې د اسراییل په جګړه کې لږ تر لږه ۳۹ زره او ۱۴۵ فلسطینیان وژل شوي او ۹۰ زره او ۲۵۷ نور ټپیان دي.
د اکټوبر له ۷مې نېټې راهیسې د حماس تر مشرۍ لاندې د بریدونو له امله یو زرو ۱۳۹تنه وژل شوي او لسګونه کسان لا هم په غزه کې بندیان دي.
په تېره اونۍ کې د غزې پر مرکزي سیمو کې د اسراییل بریدونه د النصیرات پر کمپ متمرکز وو، چې لسګونه کسان پکې وژل شوي دي.