د امریکا پخوانی ولسمشر او د ولسمشریزو ټاکنو نوماند ډونالډ ټرمپ اسراییلي رای ورکوونکو ته خبرداری ورکړی، که کماله هرېس ټاکنې وګټي؛ نو اسراییل به ختم شي.
په پراخه کچه داسې انګېرل کېده، چې په ولسمشریزو ټاکنو کې د جمهوري غوښتونکو نوماند ډونالډ ټرمپ به په اسانۍ سره ډیموکراټ ګوند سیالې کمالا هرېس ته ماتې ورکړي. خو اوس یوې پراخې نظرپوښتنې ادعا کړې، چې په ټاکنو کې د کمالا هرېس د ګټلو چانس ډېر دی.
کمالا هرېس د مینیسوتا والي ټیم ولز د متحده ایالاتو د ولسمشرۍ په ټاکنو کې د خپل مرستیال په توګه غوره کړ. تمه کیږي، چې هرېس په رسمي ډول ولز د فیلادلفیا په یوه ناسته کې د خپل معاون په توګه اعلان کړي.
دونالد ټرمپ په خپل انتخاباتي کمپاین کې په جورجیا کې وویل چې کامالا هریس لکه یو «وېرونکی نمایش» دی. د ده په وینا، که کامالا هریس په ریاست جمهوري ټاکنو کې بریالۍ شي، امریکا به ویجاړ کړي. ټرمپ وویل: موږ نشو کولی اجازه ورکړو چې کامالا هریس ولسمشر شي.