د امریکا د عدلیې وزارت: د ټرمپ د وژلو لپاره ګمارل شوی ایرانی، ښايي اوس ایران کې وي

د امریکا د عدلیې وزارت د جمعې په ورځ وویل، چې د امریکا متحده ایالاتو یو ایرانی د هغه دسیسې په تور پیژندلی چې د ایران سپاه پاسداران ورته د ټرمپ د وژلو دنده سپارلې وه. ۵۱ کلن شاکري چې د سپاه غړی دی، په ماشومتوب کې متحده ایالاتو ته کډوال شوی او د غلا په تور له دغه هیواده شړل شوی و.

دغه وزارت په یوه خبرپاڼه کې راغلي، چې فرهاد شاکري د قانون پلي کونکو ته ویلي، چې هغه ته د ۲۰۲۴ کال د اکټوبر په اومه دنده سپارل شوې وه چې د ټرامپ د وژلو پلان چمتو کړي.

دغه وزارت ویلي، چې ۵۱ کلن شاکري د ایران د سپاه پاسداران غړی او ایراک کې استوګن دی. ویل کیږي چې شاکري چې کله ماشوم و متحده ایالاتو ته کډوال شوی او په ۲۰۰۸ کال کې د غلا په تور نیول شوی او شړل شوی و. څارانوالانو وایي، چې ګمان کیږي شاکري په تېښته بریالی شوی دا مهال په ایران کې دی.

د نیویارک دوه اوسیدونکي چې شاکري سره یې په زندان کې لیدلي وو، کارلیسل رویرا او جوناتن لوډ هولټ هم له شاکري سره د امریکا د ولسمشر په وژلو کې د همکاری په تور، تورن شوي.

محکمې د رویرا او لوډ هولټ د نیولو امر کړی. د اوس لپاره د دوی وکیلانو د دې موضوع په اړه له څه ویلو ډډه کړې.