د طالبانو د انرژۍ او اوبو وزیر عبداللطیف منصور په کابل کې د ایران له مرستیال سفیر حسن مرتضوي سره په کتنه کې وویل چې د ایران د حقابې یوه لویه برخه ورکړل شوې او د اوبو خوشي کول دوام لري. مرتضوي هیله څرګنده کړه، چې د اوبو مسله به د ایران او طالبانو له "یووالي" سره مرسته وکړي.
د طالبانو کډوالو او راستنېدونکو چارو وزارت وايي، د غور په مرغاب او چهار سده ولسوالیو کې د سېلابونو له امله یو تن مړ او دوه تنه نور ټپیان شوي دي. طالبان وايي، په دغه ولایت کې د سېلابونو راوتلو له امله له زرو ډېرې کورنۍ بېځایه شوې او په خلاصه فضا کې شپي او ورځې تېروي.
په سرپل کې د طالبانو د والي دفتر د غويي په ١٦مه اعلان وکړ، چې د صياد ولسوالۍ په ځينو سيمو کې د سېلابونو د راوتلو له امله دوه تنه مړه شوي دي. په ورته وخت کې د فراه ولایت سیمه ییزو چارواکو هم په دغه ولایت کې د سېلابونو د راوتلو له امله د یوه تن د وژل کېدو خبر ورکړی دی.
ځايي سرچینو افغانستان انټرنشنل ته د وېډیوګانو په لېږلو په بدخشان، غور، سرپل، هرات، بغلان، فاریاب، تخار، کندز، جوزجان، کندهار او نورو ولایتونو کې د سېلابونو د راوتلو خبر ورکړی. سرچينې وايي، د هرات په ګلران ولسوالۍ کې سېلابونو درې کسان مړه کړي او ډېر مالي زيانونه یې اړولي دي.
د طالبانو د ټولګټو چارو وزارت ویاند محمداشرف حقشناس وایي، د خوست - پکتیا لویه لار چې د خوست ولایت په نادرشاه کوټ ولسوالۍ کې د غرښویېدني له امله د تګ راتګ لپاره تړل شوې وه بېرته پرانیستل شوه.
د طالبانو تر کنټرول لاندې د هواپوهنې ادره وايي، چې د غويي په ۲۶مه نېټه په ۲۲ ولایتونو کې د تېز باران، تالندې، برېښنا، بادونو او سېلابونو د راوتلو اټکل شوی دی.
د کډوالۍ نړۍواله اداره وایي، تازه یې د بدخشان ولایت هغه سیمو ته پر بدیلو لارو بېړنۍ مرستې رسولي چې سړکونه یې ویجاړ شوي دي. دغې ادارې د سه شنبې په ورځ د (غويي ۲۵مه) پر خپلې اېکس پاڼې لیکلي، چې د بدخشان ولایت تشکان ولسوالۍ ۷۷ کورنیو لپاره یې خورا اړینې مرستې ورسولې.
د روغتیا نړۍوال سازمان اعلان وکړ، چې د افغانستان په شمال کې د سېلاب ځپلو سره د مبارزې لپاره یې "سمدستي" اووه مټریک ټنه اړین درمل او طبي وسایل مرسته کړې ده.
د طالبانو د هواپوهنې اداره وایي، چې (د غويي په ۲۳مه نېټه) په اتو ولایتونو کې د شړکنده باران، تالندې او سېلابونو د راوتو اټکل شوی. د دغې ادارې لهخوا په خپره شوې خبرپاڼه کې راغلي، چې دغه وړاندوینه د بدخشان، بغلان، پنجشېر، نورستان، کونړ، لغمان او ننګرهار ولایتونو لپاره شوې ده.
د طالبانو د هواپوهنې اداره وایي، چې د (غويي ۲۱مې څخه تر ۲۲مې نېټې) پورې په ۲۲ ولایتونو کې د شړکنده باران، تالندې، تېزو سېلیو او د سېلابونو د راوتو اټکل شوی دی.
د طالبانو تر واک لاندې د هوا پېژندنې ادارې پر خپلې اېکس پاڼې لیکلي، چې د پنجشنبې په ورځ د افغانستان په یو شمېر ولایتونو کې د تېز باران، تېزو بادونو او سېلابونو راوتلو اټکل کېږي.
د کینیا د کورنیو چارو وزارت د یکشنبې په ورځ ویلي، چې په دغه هېواد کې د سختو بارانونو له امله د راوتلو سېلابونو او ځمکې ښوېیدنې په پایله کې د وژل شویو کسانو شمېر ۲۲۸ تنو ته رسېدلی دی.
د طالبانو تر واک لاندې باختر اژانس ویلي، چې د بدخشان او تخار لویه لاره د ډېرو سېلابونو راوتلو له امله د تګ راتګ لپاره وتړل شوه. په افغانستان کې د څو ورځو پرله پسې ورښتونو له امله د سر زیان تر څنګ مالي زیانونه اوښتي او د ولایتونو تر منځ غځېدلې لارې زیانمې شوې دي.