سرچینو افغانستان انټرنشنل ته ویلي، چې طالبانو د محرم نه لرلو له امله د کندهار د ښځو په روغتون کې یوه بوډۍ ښځه او د هغې مېندواره اینګور سختې وهلې دي. سرچينو زياته کړې، چې طالبانو له وهلو ټکولو وروسته هغوی بېرته کور ته ستنې کړي.
د افغانستان د بشري حقونو، ښځو او نجونو لپاره د امریکا ځانګړې استازې رینا امیري وایي، د اقلیمي بدلون ناورینونو سره د مبارزې لپاره، طالبان باید ټول ځواک په کار واچوي او پر ښځو او نجونو لګېدلي بندیزونه لرې کړي.
د افغانستان لپاره د امریکا شارژدافیره وایي، چې هیڅکله د افغان ښځو له دفاع لاس نه اخلي. کرن ډېکر په خپل اېکس کې لیکلي، چې د افغانستان لپاره یې د امریکا له ځانګړي استازي ټام وېسټ او رینا امیري سره په کتنه کې په دغه هېواد کې د ښځو او نجونو د کار کولو په اړه خبرې کړې دي.
د پاکستان ښځينه کرېکټ لوبډله د انګلستان ښځينه کرېکټ لوبډلې سره د شل اوره او يو ورځينو سیالیو لپاره پرون لندن ته رسېدلې ده. دواړه لوبډلې به درې شل اوره او درې يو ورځنۍ لوبې سره وکړي.
د افغان ښځو د حقونو یو شمېر فعالانو د اتریش په پلازمېنه کې د یوې غونډې په ترڅ کې ټینګار وکړ، چې په افغانستان کې د ښځو د حقونو ملاتړ باید تر زده کړو پورې محدود نه شي. دوی همداراز وویل، چې د ښځو له زده کړو څخه د ملاتړ په برخه کې د نارینه وو رول کمرنګه دی.
د ښځو یو شمېر اعتراضي خوځښتونو ویلي، چې په افغانستان کې د بیان ازادي محدوده شوې او طالبانو پر رسنیو او ښځینه خبریالانو سخت بندیزونه لګولي دي. دغو خوځښتونو له ملګرو ملتونو او نړېوالې ټولنې غوښتي چې د بیان د ازادۍ پر ضد د طالبانو د کړنو په اړه دې اقدام وکړي.
په افغانستان کې د ملګرو ملتونو د ښځو برخه وایي، په افغانستان کې ۸۰ سلنه ښځینه خبریالانې د محدودیتونو، ځورونې او ډار له امله اړې شوې چې خپلې دندې پرېږدي. دغه سازمان ټینګار کړی، چې د افغان ښځینه خبریالانو ملاتړ ته به دوام ورکوي.
د افغانستان لپاره د بشري حقونو په برخه کې د ملګرو ملتونو راپور ورکوونکی ریچارډ بېنېټ وایي، په افغانستان کې د ښځو او نجونو له حقونو سرغړونه کټ مټ د طالبانو د تېر پړاو واکمنۍ ته ورته ده او دغه ډله هغه څه تر سره کوي، چې په لومړۍ واکمنۍ کې یې هم ترسره کړي و.
د تاجکستان ولسي جرګې د «دودونو او عنعناتو د ترتیب» په قانون کې د بدلون له لارې د بورقې یا څادرۍ اغوستل منع کړل.
د هرات د حوزوي روغتون د رواني روغتیا ریاست چارواکي وايي، په رواني ناروغیو د اخته میرمنو په شمیر کې د اندیښنې وړ زیاتوالی راغلی دی. د چارواکو په وینا، د هرات د رواني روغتیا روغتون ۸۰سلنه مراجعین ښځې او نجونې دي.
په سویډن کې د اکرم عثمان څلورم ادبي فیسټیوال کې د افغان لیکوالانو کیسې سیالۍ ته وړاندې شوې وې، چې په پای کې د نوې لیکوالې رڼا زرمتۍ د «اسیه او شینو» کیسې لومړی مقام وګاټه.
له کندهاره سیمهایزې سرچینې افغانستان انټرنشنل – پښتو ته وویل، یاده پېښه تېره ورځ د کندهار د ارغستان ولسوالۍ د پوڅې په کلي کې شوې ده.
د کډوالۍ نړۍوال سازمان وایي، په پاکستان کې مېشت افغانان هېواد ته د جبري ستنېدو سره له ناڅرګند برخلیک سره مخامخ دي. دغه سازمان وایي، د ۲۰۲۳ کال د سپټمبر میاشتې راهیسې تر نیم مېلیون ډېر بې اسناده افغانان په جبري توګه افغانستان ته ستانه کړای شوي دي.