د افغانستان لپاره د امریکا شارژدافیره وایي، چې هیڅکله د افغان ښځو له دفاع لاس نه اخلي. کرن ډېکر په خپل اېکس کې لیکلي، چې د افغانستان لپاره یې د امریکا له ځانګړي استازي ټام وېسټ او رینا امیري سره په کتنه کې په دغه هېواد کې د ښځو او نجونو د کار کولو په اړه خبرې کړې دي.
د پاکستان ښځينه کرېکټ لوبډله د انګلستان ښځينه کرېکټ لوبډلې سره د شل اوره او يو ورځينو سیالیو لپاره پرون لندن ته رسېدلې ده. دواړه لوبډلې به درې شل اوره او درې يو ورځنۍ لوبې سره وکړي.
د افغان ښځو د حقونو یو شمېر فعالانو د اتریش په پلازمېنه کې د یوې غونډې په ترڅ کې ټینګار وکړ، چې په افغانستان کې د ښځو د حقونو ملاتړ باید تر زده کړو پورې محدود نه شي. دوی همداراز وویل، چې د ښځو له زده کړو څخه د ملاتړ په برخه کې د نارینه وو رول کمرنګه دی.
د ښځو یو شمېر اعتراضي خوځښتونو ویلي، چې په افغانستان کې د بیان ازادي محدوده شوې او طالبانو پر رسنیو او ښځینه خبریالانو سخت بندیزونه لګولي دي. دغو خوځښتونو له ملګرو ملتونو او نړېوالې ټولنې غوښتي چې د بیان د ازادۍ پر ضد د طالبانو د کړنو په اړه دې اقدام وکړي.
په افغانستان کې د ملګرو ملتونو د ښځو برخه وایي، په افغانستان کې ۸۰ سلنه ښځینه خبریالانې د محدودیتونو، ځورونې او ډار له امله اړې شوې چې خپلې دندې پرېږدي. دغه سازمان ټینګار کړی، چې د افغان ښځینه خبریالانو ملاتړ ته به دوام ورکوي.
د افغانستان لپاره د بشري حقونو په برخه کې د ملګرو ملتونو راپور ورکوونکی ریچارډ بېنېټ وایي، په افغانستان کې د ښځو او نجونو له حقونو سرغړونه کټ مټ د طالبانو د تېر پړاو واکمنۍ ته ورته ده او دغه ډله هغه څه تر سره کوي، چې په لومړۍ واکمنۍ کې یې هم ترسره کړي و.
افغان ښځینه فزیک پوهه شکردخت جعفري چې اوسمهال په برېتانیا کې مېشته ده، د ۲۰۲۴کال د ډینامیک جایزې ګټونکې شوه. نوموړې ته د ډینامیک «د کال غوره نوښتګرې» جایزه په برېتانیا کې ورکړل شوه.
د طالبانو د کډوالو او ستنېدونکو چارو وزارت وايي، له کډوالۍ خپل ټاټوبي کندوز ته ۲۳۴ ستنو شویو نجونو د قابلګۍ زدکړې په درې کلنه دوره کې د ګډون لپاره ازموینه ورکړه. دغه وزارت نن په خپل اېکس کې زیاتوي، چې دا پروګرام د کډوالۍ د ریاستونو د عامې روغتیا وزارت په همکارۍ جوړ شوی دی.
په سویډن کې د اکرم عثمان څلورم ادبي فیسټیوال کې د افغان لیکوالانو کیسې سیالۍ ته وړاندې شوې وې، چې په پای کې د نوې لیکوالې رڼا زرمتۍ د «اسیه او شینو» کیسې لومړی مقام وګاټه.
له کندهاره سیمهایزې سرچینې افغانستان انټرنشنل – پښتو ته وویل، یاده پېښه تېره ورځ د کندهار د ارغستان ولسوالۍ د پوڅې په کلي کې شوې ده.
د کډوالۍ نړۍوال سازمان وایي، په پاکستان کې مېشت افغانان هېواد ته د جبري ستنېدو سره له ناڅرګند برخلیک سره مخامخ دي. دغه سازمان وایي، د ۲۰۲۳ کال د سپټمبر میاشتې راهیسې تر نیم مېلیون ډېر بې اسناده افغانان په جبري توګه افغانستان ته ستانه کړای شوي دي.
د کندهار ولایت له لوري په خپره شوې خبر پاڼه کې ویل شوي، چې د کندهار لپاره د طالبانو مرستیال والي د افغانستان لپاره د ملګرو ملتونو د ښځو د څانګې د ځانګړې استازې سره په لیدنه کې د مور او ماشوم لپاره د ځانګړي روغتون د جوړېدو غوښتنه کړې.
د ترکیې رسنیو راپور ورکړی، چې د دغه هېواد قضايي محکمې یوه سوریایي مېرمن احلام البشیر د ۱۴۰۱ کال د لړم په میاشت کې د استانبول په استقلال سړک کې د بمي چاودنې په تور په اووه ځلي عمري او ۱۷۹۴ کاله بند محکوم کړې ده. په دې چاودنه کې شپږ تنه وژل شوي وو.
خپل فلمونه او غږونه را ولېږئ