د ارغواني شنبو غورځنګ وایي، چې افغان مېرمنې په نړۍوالو غږ کوي، چې طالبانو ته دې هیڅ ډول مشروعیت نه ورکوي. دغه غورځنګ د یوې خبرپاڼې په خپرولو سره له نړۍوالې ټولنې غوښتي، چې له طالبانو سره د تعامل په پلمه د دوی ظالمانه واکمنۍ د عادي کولو څخه دې ډډه وکړي.
د طالبانو د امر بالمعروف او نهې عن المنکر وزارت په افغانستان کې د ښځو د حقونو او بیان ازادۍ په اړه د یوناما اندېښنې بې بنسټه یادې کړې او هغه یې په کلکه ردې کړې دي.
د مخکیني حکومت یو شمېر چارواکو او د طالبانو ځینو غړو پاکستان ته د تعلیمي بورسونو لپاره د نجونو پر لېږلو سختې نیوکې کړې او دا یې د طالبانو دوه مخیتوب بللی دی. دوی وايي، چې په کور دننه ورته زدهکړې حرامې خو پاکستان کې ولې حلالې دي.
د انتقالي عدالت د همغږۍ ډلې، د هزاره نسل وژنې د مخنیوي اېتلاف او د افغانستان د بشري حقونو او ډېموکراسۍ سازمان د طالب مشرانو د نیولو د حکم صادرولو غوښتنه یوه تاریخي او د عدالت د تامین او د قربانیانو د غږ اورېدلو په لار کې مهم ګام بللی.
د پوهنې نړۍوالې ورځې په را رسېدو د ملګرو ملتونو د بشري چارو د همغږۍ دفتر (اوچا) ویلي، چې په افغانستان کې دې د نجونو په وړاندې د زدهکړو بندیز پای ته ورسیږي. اوچا ټینګار کړی چې زدهکړې د انسانانو بشري حق او ورته پاملرنه د ټولو ګډ مسوولیت دی.
د طالبانو ستره محکمه وايي، چې په خوست ولایت کې یې د یوې ښځې په ګډون لس تنه د «زنا، لواطت، له کوره د تېښتې او نامشروع اړېکو» په تور د خلکو د سترګو په وړاندې په دورو وهلي دي. طالبان له نړۍوالو نیوکو سره، سره په عام محضر کې خلکو ته سزاګانې ورکوي.
د ارغواني شنبو غورځنګ وايي، لکه څنګه چې نړۍوال لومړیتوبونه بدلېږي؛ د افغانستان د ښځو وضعیت ته د نړۍوالې ټولنې او ملګرو ملتونو لېوالتیا هم کمېږي.
د افغانستان د ښځو، نجونو او بشري حقونو لپاره د امریکا ځانګړې استازې رینا امیري له خپلې دندې له ګوښه کېدو خبر ورکړی. نوموې پر اېکس پاڼه کاږلي، چې سبا د ټرمپ د لوړې مراسمو سره یې د دندې موده پوره کېږي.
ملګرو ملتونو نن جمعه د (سلواغې ۱۹مه) پر اېکس پاڼه به یوه پېغام کې ویلي، چې ښځې د نړۍ په هر ځای کې د قدر وړ دي او د نجونو تر څنګ د ښځو پر وړاندې د هر ډول سیستماتیکو بریدونو خلاف به درېږي.
د طالبانو د لوړو زدهکړو وزارت هغه راپورونه رد کړل، چې په کې ویل شوي وو د افغان نجونو لپاره د پاکستان سکالرشیپونو سره د طالبانو لهخوا مشروطه هوکړه شوې ده. تر دې وړاندې ځینو رسنیو د طالبانو او پاکستان تر منځ نجونو ته د مشروطو بورسیو د ورکړې په اړه خبرونه خپاره کړي وو.
د پاکستان پلازمینه اسلام اباد کې مېشت افغان کډوالو مېرمنو، چې امریکا ته د انتقال په تمه دي د متحده ایالاتو د نوي ولسمشر ډونالډ ټرمپ پر پرېکړه اعتراضیه غونډه وکړه او له نوموړي یې وغوښتل چې د امریکا له حکومت سره د دوی د کړي خدمت نتیجه باید دا نه وي چې ژوند یې له ګواښ سره مخ شي.
د افغانستان د معترضو ښځو د غورځنګونو خپلواکې ټلوالې د یوې خبرپاڼې په خپرولو سره د طالبانو لهخوا پر خپلسرو نیونو اندېښنه څرګنده کړې ده.
د طالبانو د امر بالمعروف، نهې عن المنکر او شکایتونو اورېدو وزارت نن دوشنبه د (سلواغې لومړۍ) نېټه په یوې خبرپاڼه کې ویلي چې ۶۰۰ سوه بېلابېل شکایتونه ورته رسېدلي چې له ډلې یې د ښځو اړوند پنځوس شکایتونه یې څېړلي دي.