پاکستان

د پاکستان حکومت هیله‌مندي ښودلې چې د پولیو یا په ماشومانو کې د فالج ناروغۍ په وړاندې یې هڅو مثبته پایله ورکړې او له تېرو دوو میاشتو راهیسې په ماشومانو کې د دغې ناروغۍ هېڅ مثبته پېښه نه ده ثبت شوې.

د پاکستان اېکسپرېس ټربیون ورځپاڼې راپور ورکړی، چې د ډاکټر امین محمد الحق په نوم د طالبانو یو مهم غړی او د اسامه بن لادن پخوانی ساتونکی د محکمې تر پرېکړې وروسته افغانستان ته ستون کړل شوی دی.

له پاکستان څخه د افغان کډوالو د جبري ایستلو په روانو پراخو عملیاتو‌ کې داسې کسان هم ایستل کېږي، چې په ټول ژوند یې افغانستان نه دی لیدلی. عرب نیوز له داسې دوو افغان وروڼو سره مرکې کړې، چې په پنجاب کې زیږېدلي او هلته لوی شوي دي.

د عوامي نشنل ګوند مشر ایمل ولي خان د پاکستان له‌خوا د افغان کډوالو جبري بېرته ستنولو په اړه د پاکستان په حکومت نیوکې کړي او ویلي یې دي، چې پاکستان دې افغان کډوالو ته د تابعت د ورکولو په موخه پالیسي جوړه کړي او دوی ته دې تابعت ورکړي.

د پاکستان ډان ورځپاڼې راپور ورکړی، چې د دغه هېواد امنیتي ځواکونو د پښتونخوا د ډېره اسماعیل خان په کلاچۍ سیمه کې د استخباراتي معلوماتو پر بنسټ په یو لړ عملیاتو کې څلور وسله‌وال وژلي او دوه نور ټپیان دي. ټي ټي پي لا په دې اړه څه نه دي ویلي.

د افغانستان لپاره ملګرو ملتونو د کډوالو عالي کمېشنرۍ استازی عرفات جمال تورخم ته تللی تر څو له پاکستان نه راستانه شویو افغان کډوالو وضعیت و ارزوي. د دغو کډوالو پر وړاندې د سرپناه نشتوالی، بې روزګاري او اړین خدمتونه تر ټولو لویې ننګونې ګڼل کېږي.

د پښتون ژغورنې غورځنګ مشر منظور پښتین له پاکستان څخه د افغان کډوالو د جبري ایستلو په غبرګون کې د پښتونخوا په ګډون په یو شمېر هېوادونو کې د پراخو لاریونونو خبر ورکړی دی.

د‌ پاکستان اېکسپرېس ټربیون راپور ورکړی، چې کابل ته د پاکستاني پلاوي په سفر کې له طالبانو سره د «ټي ټي پي» اړوند مثبتې خبرې شوې او په خبره یې چې د یادې وسله والې ډلې په تړاو د کابل په پخواني دریځ کې بدلون راغلی دی.

د پاکستان د جماعت اسلامي ګوند پخوانی مشر سراج الحق وایي، د پاکستان حکومت د ناوړه چلند له امله هغه کډوال چې د پاکستان له خلکو سره دوستانه اړیکې لري؛ هغه به په مخالفت او دښمنۍ واړوي.

د الجزيرې ټلوېزیوني شبکې د يو تازه راپور له مخې، سره له دې چې د پاکستان حکومت د افغان کډوالو د ايستلو لپاره سخت اقدامات پيل کړي، خو د پښتونخوا ایالت په بیلابیلو سیمو کې زرګونه افغان کډوال بیا د ایستل کېدو له ګواښه خوندي دي.

په تورخم ښارګوټي کې له پاکستان نه په جبري توګه ستانه شوي افغان کډوال په پاکستان کې له دوی سره له شوي چلنده شکایت لري او وایي، چې طالبان هم ورته په سمه توګه رسېدنه نه کوي. دوی وايي، د پاکستاني پولیسو له بد چلند هاخوا طالبان هم په ښه سترګه نه ورته ګوري.

د امریکا اين پي ار رسنۍ راپور ورکړی، چې په افغانستان او پاکستان کې د پولیو وایرس د پراخوالي په حال کې دی. په دغه راپور کې راغلي، چې روان زېږدیز کال په افغانستان کې د ګوزڼ یوه مثبته پېښه او پاکستان کې ۶ پېښې ثبت شوې دي.

د انټرنشنل پاليسي ډاېجیسټ څېړنیزې ویب‌پاڼې له‌خوا‌ په یوه خپره شوې مقاله کې راغلي، چې د امریکا د استخباراتي ارزونو له مخې اوس د «ټي ټي پي» وسله واله ډله د سیمه ییز ګواښ پر ځای په نړۍوال ګواښ بدلېدونکې ده.

د طالبانو کډوالو او بېرته راستنېدونکو چارو وزارت د افغانستان لپاره د ناروې د شارژدافیر پير البرټ الساس په حواله خبر ورکړی، چې د ناروې حکومت ‏د نړۍوالو بنسټونو له لارې د افغان کډوالو لاس نیوي ته دوام ورکوي.

د پاکستان حکومت د چهارشنبې په ورځ (د وري ۲۷مه) د تورخم له لارې ۱۲۷۵ افغان کډوال په جبري توګه افغانستان ته استولي دي. راپورونه وايي، چې یاد شمېر کسان د ۲۴۳ کورنیو غړي دي.

د پاکستان د جمعیت علمای اسلام مشر مولانا فضل الرحمن وايي، چې له افغانستان نه د پاکستان د نارضایتۍ لامل بل څه دی، خو زور یې له افغان کډوالو اېستل کیږي. فضل الرحمن وايي، چې د افغان کډوالو جبري اېستل یوډول احساساتي پرېکړه ده.

په اسلام اباد کې افغان خبريالان وایي، چې فرشته سدید د حاجي کمپ په نوم له میشتغالي څخه له دوو ورځو بند وروسته نن خوشې او خپل استوګنځي ته ستنه شوه. هغه د دوشنبې په ورځ پاکستاني پوليسو په اسلام اباد کې له خپل کوره نيولې او د جبري ستنولو په موخه يې دغه کمپ ته لېږدولې وه.

تحریک طالبان پاکستان د چارشنبې په ورځ په یوه اعلامیه کې د پنجاب خلکو ته خبرداری ورکړی، چې حکومت هلته ملاتړې ملېشې یا د امن لښکرې جوړوي، چې شخړې رامنځته کړي. ټي ټي پي دې ته د پوځ او حکومت له ملاتړه برخمنو «لښکرو» اصطلاح کارولې ده، چې معمولا د امن کمېټو په نامه یادیږي.