بلوڅ ازادۍ پوځ اعلان کړی چې د پاکستان د پوځ د عملیاتو په غبرګون کې یې ۵۰ پاکستاني امنیتي سرتېري وژلي دي. یادې ډلې ویلي، چې دا ګام یې د یرغمل شویو کسانو د تبادلې پر سر د خبرو اترو له ناکامۍ وروسته اخستی.
د بلوڅ ازادۍ پوځ ویاند ویلي، چې د ۲۴ ساعته په تېریدو سره لا هم د پاکستان حکومت د بندیانو د تبادلې په اړه هیڅ اقدام نه دی کړی. نوموړي ګواښ کړی چې که د ۴۸ ساعتونو په پوره کېدو سره لا هم پاکستان د بندیانو تبادله ونه کړي نو تر ۲۰۰ ډیر یرغمل شوي کسان به د “بلوڅ ملي محکمې” ته وسپاري.
د تورخم دروازې د خلاصون لپاره ټاکل شوې وه، چې نن د کرښې دواړه غاړو ته د پرتو سوداګرو او قومي مشرانو ترمنځ د جرګې دویم پړاو ناسته وشي؛ خو د پاکستان له لوري په جرګه کې د ګډونوالو د شمېر زیاتېدو له امله یاده ناسته د افغانستان لهخوا د نن لپاره لغوه شوې ده.
د پاکستان دولتي راډیو ادعا کړې ده، چې د بلوچستان د رېل ګاډي «بریدګر» په افغانستان کې له خپلو ملګرو سره په اړیکه کې دي. د دغه رسنۍ په وینا، د پاکستان امنیتي ځواکونو د دغې پېښې لږ تر لږه ۱۵۵ برمته شوي کسان ژغورلي او ۲۷ بریدګر یې بیا وژلي دي.
د کډوالۍ نړۍوال سازمان ویلي، چې د پاکستان او افغانستان ترمنځ د تورخم دروازې تړل پاتې کېدو د افغانانو د ستنېدو او اېستو پر بهیر اغېزه کړې ده.
په پاکستان کې امنیتي سرچینې وایي، چې د دغه هېواد امنیتي ځواکونو په بلوچستان کې ۸۰ برمته شوي کسان د وسلهوالو له منګولو خوشې کړي دي. د امنیتي سرچینو په وینا، په دغه خوشې شویو کسانو کې ۴۳ نارینه، ۲۶ ښځې او ۱۱ ماشومان شامل دي.
د نړۍوالو رسنیو د راپورونو پر بنسټ، د پاکستان په بلوچستان ایالات کې پر یوه رېلګاډي د بلوڅ بېلتون غوښتونکو وسلهوالو (بياېاېل) د یوه خونړي برید په ترڅ کې لږترلږه شپږ پاکستاني پوځیان وژل شوي او ۴۵۰ نور کسان برمته شوي دي.
د نیوزيلنډ او پاکستان کرېکټ لوبډلو ترمنځ د ۵ شل اوره او درې یو ورځنيو سیالیو لومړۍ لوبه د نیوزيلنډ په کوربه توب د مارچ میاشتي په ۱۶مه د کرایست چرچ په لوبغالي کې تر سره کيږي. نیوزيلنډ د مارچل بریسویل په لوبډلمشرۍ لوبډله هم اعلان کړه.
په پاکستان کې بلوڅ ازادۍ پوځ ډلې اعلان وکړ، چې د بلوچستان په دهدار بولان سیمه کې یې د جعفر ایکسپریس پر اورګاډي برید کې ۱۱پاکستاني امنیتي سرتېري وژلي او ۱۸۲مساپر یې پرمته کړي دي. د اورګاډي چارواکو تایید کړه، چې په اورګاډي کې ۴۰۰ مساپر سپاره وو.
د پاکستان د ثبت او ملي احصایې یا نادرا سرچینې وايي، په افغانستان کې د پاکستان سفارت هر کال له ۳۰۰ زرو ډېرې طبي، سیاحتي او نورې ویزې صادروي، چې په دې بهیر کې پراخ فساد او غیرقانوني فعالیتونه کیږي. د پاکستان د بهرنیو چارو وزارت افغان ډېسک د افغان ویزو تر ټولو ډېر عاید ترلاسه کوي.
پاکستانۍ رسنۍ جیو نیوز راپور ورکړی، چې د ( کب په ۱۶مه) د خیبر پښتونخوا د بنو ولسوالۍ په وروستي برید کې د ۱۶ وژل شویو برید کوونکو له ډلې دوه تنه یې افغان وګړي دي.
د پاکستان د بهرنیو چارو وزارت منلې، چې په ترکمنستان کې د پاکستان سفیر احسن واګان ته د امریکا په لاس انجلس کې دغه هېواد ته د ننوتو اجازه نه ده ورکړل شوې او د لاس انجلس له هوايي ډګره شړل شوی دی.
د پاکستانۍ ورځپاڼې «پاکستان ډېلي» په راپور کې راغلي، د پاکستان د کورنیو چارو وزارت په دغه هېواد کې د افغان کډوالو د اېستلو دویم پړاو پیلوي او دغه پرېکړه به مېلیونونه هغه افغان کډوال اغېزمن کړي؛ چې ډېری یې له ۴۰ کلونو راهیسې په پاکستان کې ژوند کوي.
د افغانستان په چارو کې د امریکا پخواني استازي زلمي خلیلزاد د ډیورنډ کرښې په اوږدو کې د طالبانو لهخوا د سرحدي پوستو له جوړولو ملاتړ کړی دی.
د پښتونخوا د چارسدې په ترنابکې د دوکان مخ ته د کټ اېښودو پر سر د دوو ډلو ترمنځ د نښتې له امله ۵کسان ووژل او ۲نور سخت ژوبل شول.
د پاکستان پیپلز پارټۍ د پښتونخوا اسمبلۍ غړي احمد کنډي د اسمبلۍ په غونډه کې یو پرېکړه لیک جمع کړی، چې پکې له مرکزي حکومت د تورخم بندر د ژر تر ژره پرانیستلو غوښتنه شوې ده.
د اسراییل اورشلیم پوسټ ورځپاڼه وايي، د اسپانیا پولیسو ۱۱ پاکستاني وګړي د پاکستان طالبانو غورځنګ سره د اړیکو په شک نیولي دی. د پولیسو څېړنې ښيي چې نیول شویو کسانو اروپا کې د خپلو ملګرو د هڅولو او مهمو هدفونو په نښه کولو لپاره منظمې ټلیفوني اړیکې کارولې.
پاکستانۍ رسنۍ خراسان ډایري خبر ورکړی، چې د خیبرپښتونخوا په کوهاټ کې نامعلومه وسلهوالو د ترهګرۍ ضد دوه پولیس په ډزو وژلي دي.
د پاکستانۍ ورځپاڼې «ده نیوز The News» د راپور له مخې، پاکستان پرېکړه کړې چې په دغه هېواد کې د ملګرو ملتونو او د دوی له حکومت سره ثبت ۲.۱ مېلیونه افغان کډوال په بېلابېلو پړاوونو کې بېرته خپل هېواد ته ولېږي.
د پاکستان په کراچۍ ښار کې د افغان کډوالو په کمپ کې د چت د نړېدو له امله د خېبرپښتونخوا شپږ نجونې مړې شوي، چې پنځه خوېندې او یوه د دوی خپلوانه وه. د دغه چت د رغېدو چارې روانې وې چې ونړېد.
د پاکستان د طالبانو غورځنګ پخوانی ویاند وايي، پاکستان خپله پالیسي بېرته پخوانیو ناکامو تګلارو ته ګرځوي، چې د کشمیر په شخړه کې د جهادي ډلو کارول پکې شامل دي.
د پاکستان د جمعیت علماء اسلام ګوند مشر مولانا فضل الرحمان د حقانیه مدرسې د مشر حامدالحق حقاني له وژل کیدو وروسته لومړی ځل یادې مدرسې ته ورغلی او په دې مدرسه کې یې ځانمرکی برید غندلی دی. مولانا فضل الرحمان وايي، «کوم ټوپک چې د اسلام خلاف کاریږي هغه جهاد نه دی بلکې ترهګري ده».