چاپېریال

د قرغیزستان پارلمان (جوګورکو کینیس) چې د عالی شورا په نامه یادیږي،د افغانستان د قوشتېپې کانال د جوړولو پر څرنګوالي اندېښنه ښودلې ده.

د طالبانو د رییس الوزرا ملا حسن اخوند په مشرۍ د دې ډلې د کابینې په غونډه کې پرېکړه شوې، چې افغانستان ته د بې کیفیته تېلو د واردولو د مخنیوي لپاره اقدامات وشي. د طالبانو کابینې د بې کیفیته تېلو واردولو د مخنیوي لپاره یو پلاوی ټاکلی چې په دې برخه کې له اړوندو ادارو سره کار وکړي.

د ایران د سرحدي سیمو یو شمېر اوسېدونکو د افغانستان پولې ته څېرمه په ۵۰ کیلو مترۍ کې د باران لپاره د دوعا لاسونه پورته کړل. د ایران جنوبي خراسان هغه سرحدي ولایت دی، چې وچکالۍ سخت ځپلی او که بارانونه ونه شي نو کروندې یې د له منځه تلو په حال کې دي.

د طالبانو د اوبو او انرژۍ وزارت د اوبو د کمښت سره د مخ ۳۳ مېلیونه خلکو په اړه د سور صلیب راپور رد کړ. د طالبانو د اوبو او انرژۍ وزارت وایي، د سور صلیب دغه راپور بې بنسټه دی.

سور صلیب نړیوالې ټولنې د اوبو په نړیواله ورځ د افغانستان په اړه خپل یوه راپور کې ویلي، چې د دغه هېواد ۳۳ میلیونه وګړي د پاکو اوبو له سخت کمښت سره مخ دي.

په خوست کې ځايي سرچینو افغانستان انټرنشنل ته وویل، د دې ولایت په قلندر ولسوالۍ کې د شخصي بدۍ له امله یوه لوري د ځڼغوزیو ۴۷ ونې اره کړې دي. په خوست کې د طالبانو امنیه قومندانۍ د دې پېښې په تاییدولو سره وايي، چې په دې تړاو یې ۵ کسان نیولي دي.

د ملګرو ملتونو د خوړو او کرنې نړېوال سازمان (ایف اې او) وایي، چې په افغانستان کې د طبیعي یخچالونو چټک ويلې کېدل په دغه هېواد کې د اقلیمي بدلون لامل شوی چې له همدې امله یې د اوبو لګولو سیسټم او د خوراکي توکو لولید له کواښ سره مخ کړی دی.

د پخواني ولسمشر حامد کرزي د دفتر رییس کریم خُرم په کابل کې د لوړپوړو ودانیو د جوړېدو په زیاتېدو نیوکه کړې او وایي، چې د څو کسانو د ګټې لپاره باید په میلیونونو انسانانو د ژوند ساحه تنګه نه شي.

افغانستان ته له اقلیمي بدلون سره د مبارزې لپاره ۱۰ میلیونه ډالره بودجه تصویب شوې ده. د طالبانو تر واک لاندې د چاپیریال ساتنې ملي اداره وايي، دغه بودجه د چاپیریالي اسانتیاوو نړیوالې ادارې له‌خوا د کم وده هېوادونو صندوق شورا ناسته کې تصویب شوې ده.

په سویس کې د هوا د کیفیت څارونکي مرکز راپور ورکړی، چې هند، پاکستان، بنګله‌دېش، کانګو او چاډ د نړۍ د ترټولو ککړې هوا لرونکي هېوادونه دي.

امو سیندد تاجکستان، افغانستان، ازبکستان او ترکمنستان له لارې تېرېږي او پخواني ارال سمندر ته توییږي او د دې اوبو د وېش هر ډول بدلون د یادو هېوادونو پر ایکوسیستمونو او اقتصاد جدي اغېزې کولی شي. د قرغیزستان ماښام بیشکک رسنۍ وايي، اوبه د نوې زمانې تېل دي او ددې لپاره سیالي پیل ده.

د طالبانو تر کنټرول لاندې باختر خبري اژانس د دغې ډلې د چاپېریال ساتنې ادارې په حواله ویلي، چې د راتلونکي لمریز کال په بهير کې به د هېواد په کچه څه باندې دوه مېليونه نيالګي کېنول شي.

ایراني چارواکي وايي، چې افغانستان ته د ایران د بهرنیو چارو وزیر عباس عراقچي له سفر وروسته طالبانو دغه هېواد ته اوبه ور خوشې کړې.

په فراه ولایت کې د طالبانو ځايي چارواکي خبر ورکوي، چې د پرلپسې ورښتونو له کبله په دغه ولایت کې د کورونو نړېدو او سېلابونو راوتو له کبله لږ تر لږه ۲۷ کسان مړه شوي او ۴۴ نور ټپیان دي.

د ملګرو ملتونو د بشري چارو د همغږۍ دفتر ویلي، چې په افغانستان کې وروستیو ویجاړونکو سیلابونو ۲۲ کسان مړه کړي او ۱۶ نور یې ټپیان کړي. اوچا وايي، دغو سېلابونو د دغه هیواد کرنیزې ځمکې او زیربناوې هم زیانمنې کړې دي.

د طالبانو د طبیعي پېښو پر وړاندې د مبارزې ادارې ویلي، چې د هېواد په سویل او سویل لوېدیځو درې ولایتونو (فراه، کندهار، هلمند) کې وروستیو ورښتونو او سختو بارانونو نږدې ۳۹ کسان وژلي او ۴۴ نور یې ټپیان کړي دي.

د طالبانو د ټولګټو وزارت ويلي، چې له تېرو دوو ورځو راهیسې د سالنګونو په ګډون دکابل-شمالي ولایتونو، کابل- کندهار- ګردېز، غور او یو شمېر نورو ولایتونو لويې لارې د واورې، زيات ورښت او تېز باد له کبله بندې شوې. دغه وزارت وایي، چې د توپان له کمېدو سره د لارو د خلاصېدو هڅې کوي.

په هلمند ولایت کې د طالبانو د اطلاعاتو او فرهنګ ریاست خبر ورکړی، چې په هلمند کې د سېلابونو له امله شپږ تنه مړه شوي او لس نور ټپیان دي. دغه ریاست ویلي، چې په مړو شویو کسانو کې ښځې او ماشومان هم شامل دي.