• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

اتمر د شخړې پراخېدو د مخنیوي لپاره له امنیت شورا نه د اقدام غوښتنه کړې

۲ تله ۱۴۰۵ - ۲۴ سپتمبر ۲۰۲۶، ۱۲:۴۸ GMT+۱

د افغانستان د بهرنیو چارو پخواني وزیر محمد حنیف اتمر پر افغانستان د پاکستان بریدونه غندلي او دا یې د هېواد د ملي حاکمیت او ځمکنۍ بشپړتیا ښکاره نقض بللی. نوموړي د ملګرو ملتونو له امنیت شورا غوښتي، چې د شخړې د لا پراخېدو د مخنیوي لپاره بېړني او اغیزناک ګامونه واخلي.

نوموړي د ملګرو ملتونو له امنیت شورا وغوښتل چې د خپلو صلاحیتونو په چوکاټ کې د شخړې د لا پراخېدو د مخنیوي لپاره بېړني او اغیزناک ګامونه پورته کړي.

د بهرنیو چارو پخواني وزیر خبرداری ورکړی چې د تاوتریخوالي زیاتوالی د سیمې او نړۍ سوله او ثبات له جدي ګواښ سره مخ کوي او په دې بحران کې د نورو سیمه‌ییزو او نړیوالو لوبغاړو د ښکېلتیا خطر زیاتوي.

هغه د سیمې له هېوادونو هم وغوښتل چې د روانو ډیپلوماتیکو هڅو ملاتړ وکړي او د شخړې د سوله‌ییز حل لپاره هڅې همغږې کړي.

حنیف اتمر همدارنګه په افغانستان کې د ملګرو ملتونو له مرستندويه دفتر (یوناما) او د بشري حقونو او بشردوستانه اړوندو نړیوالو ادارو څخه د دغو بریدونو د څيړلو غوښتنه وکړه.

د افغانستان د بهرنیو چارو پخواني وزیر د پاکستان پر سیاست‌والو او پرېکړه کونکو غږ وکړ چې د زور او پوځي تقابل اوسنی چلند له سره و ارزوي، ځکه دده په باور، پر تاوتریخوالي تکیه او له وسله‌والو ډلو ابزاري ګټه اخیستل د پاکستان لپاره تلپاتې امنیت نه شي راوړلی.

د هغه په وینا، د دې کړکېچ تلپاتې حل ډیپلوماسي او سیمه‌ییزې همکارۍ ته په ستنېدو او د ملګرو ملتونو د امنیت شورا د ۲۷۲۱_ (۲۰۲۳) پرېکړه‌لیک په هر اړخیز او صادقانه عملي کولو کې دی.

ډېر لیدل شوي

منتقد دیني عالم: د طالبانو په زندان کې مې پښتورګي له کاره ولوېدل
۱

منتقد دیني عالم: د طالبانو په زندان کې مې پښتورګي له کاره ولوېدل

۲

د پاکستان ادعا: په تېرو ۳ کلونو کې له افغانستان څخه وسله‌والو بریدونو ۴۷۰۰ پاکستانیان وژلي

۳
تازه خبر

جمال الدین حکمتیار: طالبانو په کندوز کې د حکمتیار د کورنۍ ۲۵ جریبه ځمکه غصب کړې ده

۴

د پاکستان پولیسو د اسلام اباد د نړیوال اسلامي پوهنتون یوه افغان محصله نیولې

۵

د جرمونو نړۍوالې محکمې څارنوال افغانستان کې د جنګي جرمونو د دوسیې تړل کېدو پرېکړه ننګولې

•
•
•

نور خبرونه

سرچینې: پاکستان په کندهار کې د ملاهبت الله پر ځانګړې قطعې برید کړی

۲ تله ۱۴۰۵ - ۲۴ سپتمبر ۲۰۲۶، ۰۸:۳۵ GMT+۱
100%

د کندهار ښار د نهمې امنیتي حوزې اړوند پر هغه سیمه تېره شپه هوايي برید شوی، چې د «ملا صاحب سرای» په نوم یادېږي او د طالبانو د مشر ملا هبت‌الله اخوندزاده ځانګړې قطعه په‌کې مېشته ده. سرچینې وایي، په دغه برید کې ۶ ملکي کسان وژل شوي او ځینې نور ټپيان دي.

سرچینې وایي، له دې امله چې طالبان خپل ټپیان قول اردو او د هوايي‌دګر پوځي روغتون ته لېږدوی؛ یادې ډلې ته د اوښتې مرګ‌ژوبلې په اړه معلومات نه‌لري او طالبان له رسنیو سره په دې اړه معلومات نه شریکوي.
دغه برید شاوخوا د شپې درې نیمې بجې د پاکستاني جېټ الوتکو پرمټ شوی دی. عیني شاهدان وايي، تر بیرد وروسته په «ملا صاحب سرای» کې اور لګېدلی او د چاودنې زورور غږ په نږدې سیمو کې هم واورېدل شوی؛ خو تر دې دمه د مرګ‌ژوبلې او مالي زیانونو په اړه رسمي معلومات نه‌دي خپاره شوي.

د سیمې اوسېدونکي وايي، د برید پر مهال لومړی د جېټ الوتکې له غږ سره یوه زوروره چاودنه وشو او وروسته یې په سیمه کې پراخه اورلګېدنه رامنځته شوه. د سیمې عیني شاهدان او څو سرچینو افغانستان انټرنشنل-پښتو ته ویلي، چې په دغه برید کې ۶ ملکي کسان وژل شوي او یوشمېر نور ټپيان دي.
د دوی په خبره، دغه کسان په سیمه کې پر ودانیزو چارو بوخت وو. د سرچینو په خبره، یو شمېر ټپیان د کندهار میرویس روغتون ته هم وړل شوي دي.
دغه ځای ته ځکه د «ملا صاحب سرای» وايي، چې د طالبانو د پخواني مشر ملامحمد عمر استوګنځی و او اوس‌ د یادې ډلې د اوسني مشر ملا هبت‌الله اخوندزاده ځانګړي ځواکونه په‌کې مېشت دي.

د سرچینو په خبره، په دغه سرای کې د یادو ځواکونو اړوند مدرسې او د روزنې ځایونه هم شته، چې ځینې کسان په‌کې د ملا هبت‌الله د ساتنې لپاره روزل کېږي. سرچینې وایي، د طالبانو د مشر هبت الله اخوندزاده د ځانګړو ځواکو قطعه روزنیز پروګرامونه په همدې سرای کې ترسره کوي.

طالبانو ویلي، هوايي برید پر یوه شاړه ځمکه شوی او د مرګ‌ژوبلې یا زیان راپور نه‌دی ورکړل شوی. خو سیمه‌ییزې سرچینې وايي، د چاودنې شدت دومره زیات و چې د نږدې سیمو په ګڼو کورونو کې یې ښځې او ماشومان ویرولي دي.

وړاندې د پاکستان د اطلاعاتو وزیر د افغانستان پر لسو سیمو هوايي بریدونه تایید کړي وو. نوموړي د یادو سیمو د موقعیت په تړاو له څه ویلو پرته زیاته کړې وه، چې په دغه بریدونو سره د بې‌پيلوټه الوتکو د توغولو او ساتلو ځایونه په نښه شوي دي.

د پاکستان او طالبانو ترمنځ په وروستیو ورځو کې کړکېچ یو وار بیا زیات شوی دی. پاکستان د افغانستان په ختیځ کې پر ځینو موخو د خپلو وروستیو هوايي بریدونو ادعا کړې؛ خو د دغه بریدونو په اړه د کابل او اسلام‌اباد روایتونه سره توپیر لري.

پر قاچاقي لارو تګ؛ ایران ته پر لاره افغانه مور او څلور لوڼې یې د تندې له امله مړې شوې

۲ تله ۱۴۰۵ - ۲۴ سپتمبر ۲۰۲۶، ۰۷:۳۳ GMT+۱
100%

د ازادي راډیو انګلیسي څانګې راپور ورکړی، چې ایران ته پر قاچاقي لارو د تګ پرمهال یوه افغانه مور او د هغې څلور لوڼې د سختې تندې له امله مړې شوې دي.

د یادې کورنۍ خپلوان نظام همت‌خېل ویلي، کله چې د ایران د سیستان او بلوچستان ولایت په مک سوخته کلي کې د افغان کډوالو د مړینې خبر ورکړل شو؛ هغه سیمې ته ورغی او د خپلې ناسکه مور او د هغې د څلورو لوڼو جسدونه یې وموندل.
همت‌خېل ویلي: «دوی د تندې له امله مړه شوي. ما په خپله د هغوی جسدونه را واېستل». د راپور له مخې، یادې نجونې د شپږو تر ۱۵ کلونو عمرونه لرل او له خپلې مور سره ایران ته روانې وې؛ څو له خپلې کورنۍ سره یوځای شي.
همت‌خېل ویلي، کورنۍ یې د ښه ژوند په هیله ایران ته تللې وه؛ خو ډېری غړي یې تېرکال بېرته افغانستان ته اېستل شوي وو. هغه ویلي، په افغانستان کې د بې‌کارۍ او اقتصادي ستونزو له امله یې کورنۍ اړ شوه چې یو وار بیا ایران ته د تګ هڅه وکړي.
د راپور له مخې، له دوی سره یو خپلوان هم په دغه سفر کې و. هغه ویلي، ښځو او نجونو ایران ته د اوښتو پرمهال اوبه نه لرلې. د هغه د خپلوانو په وینا، نوموړی په سخت وضعیت کې و؛ خو د سیمې خلکو د ایران سراوان ښار ته انتقال کړ او اوس یې روغتیايي وضعیت ښه شوی دی.
د ایران د بشري حقونو یوې ادارې هم ادعا کړې، چې د سپټمبر په نیمايي کې ۱۷ افغانان د ایران له لارې د سفر پرمهال د سختې تندې له امله مړه شوي دي. د طالبانو یوې ډیپلوماتیکې سرچینې هم ازادي راډیو ته منلې، چې د سپټمبر په ۱۱مه یوه مور او د هغې څلور لوڼې د سختې تندې له امله مړې شوې دي؛ خو د ۱۷ افغانانو د مړینې ادعا یې رد کړې ده.
د راپور له مخې، له کلونو راهیسې مېلیونونه افغانان د جګړو، بې‌وزلۍ او ناامنۍ له امله ایران ته کډه کېږي او له ۲۰۲۱کال راهیسې سلګونه زره نور افغانان هم دغه هېواد ته تللي دي.
راپور کاږي، ډېری بې‌اسناده افغانان د قاچاق کوونکو په مرسته ایران ته اوړي او د دښتو او غرنیو سیمو له سختو لارو تېرېږي چې هلته د خوړو او اوبو کمښت د مرګونو پېښو لامل کېږي.
راپور د جولای میاشتې یوې بلې پېښې ته هم اشاره کړې او ویلي یې دي، چې د افغانستان په سویل لوېدیځ کې ایران ته د اوښتو پرمهال د ۱۴ افغان کډوالو جسدونه موندل شوي وو.
د کډوالو د حقونو فعال صفت‌الله زاهدي ویلي، ډېری افغانان له اقتصادي ستونزو د خلاصون او د کار موندلو په هیله د دغه ډول خطرناکو سفرونو ګواښ مني. هغه ویلي: «دوی د خپل راتلونکي په اړه فکر کوي او باور لري که ایران ته ورسېږي، لږ تر لږه به کار پیدا کړي او د خپلې کورنۍ د ژوند د ښه کولو لپاره به عاید ترلاسه کړي».

د امنیت او پرمختیا انسټیټیوټ: افغانستان د منځنۍ اسیا په سیمه‌ییزو محاسبو کې مهم پاتې شوی

۲ تله ۱۴۰۵ - ۲۴ سپتمبر ۲۰۲۶، ۰۶:۰۴ GMT+۱
100%

د امنیت او پرمختیا انسټیټیوټ په یوه راپور کې ویلي، تر ۲۰۲۱کال وروسته افغانستان د منځنۍ اسیا هېوادونو لپاره خپل اهمیت له لاسه نه‌دی ورکړی او د سیمې هېوادونه د امنیت، سوداګرۍ او سیمه‌ییز اتصال په برخو کې له کابل سره د همکاریو نوې لارې لټوي.

راپور کې راغلي، د اګست د ۳۱مې او د سپټمبر د لومړۍ نېټې د شانګهای همکارۍ سازمان غونډې وښوده که څه هم افغانستان د غونډې غړی هېواد نه و؛ خو د دغه هېواد سیاسي او امنیتي وضعیت لاهم د سیمې د مهمو بحثونو یوه برخه ده.
د راپور له مخې، ازبکستان په وروستیو کلونو کې هڅه کړې چې افغانستان ته یوازې د امنیتي ګواښ په توګه ونه ګوري؛ بلکې د منځنۍ او سویلي اسیا ترمنځ یې د نښلونکې کړۍ په توګه مطرح کړي.
راپور د «ترمذ ډیالوګ» یادونه کوي او وايي، دغه چوکاټ د سیاسي خبرو، ترانسپورټ، لوژستیک، اقلیمي بدلون او بشري همکاریو د پراختیا لپاره کارول کېږي. د دغه انسټیټیوټ په وینا، د افغانستان لپاره د منځنۍ اسیا د ځانګړو استازو منظمې ناستې هم پیل شوې او د افغانستان د موضوع لپاره د سیمه‌ییز تماس د یوې ډلې پر جوړېدو هوکړه شوې ده.
راپور وړاندې کاږي، پر کابل واکمنو طالبانو هم هڅه کړې چې د منځنۍ اسیا له هېوادونو سره په خپلو شرایطو تعامل وکړي او په ۲۰۲۶کال کې یې د افغانستان او منځنۍ اسیا د مشورتي ډیالوګ لومړنۍ غونډې کوربه‌توب کړی دی.
د راپور له مخې، له پاکستان سره د کړکېچونو او د سیمې د امنیتي وضعیت له بدلون وروسته افغانستان په زیاتېدونکې توګه د شمالي لارو او د منځنۍ اسیا له بازارونو سره د اړیکو پراختیا ته مخه کړې ده.
راپور زیاتوي، د منځنۍ اسیا هېوادونه د افغانستان په اړه یو شان پالیسۍ نه‌لري. ازبکستان پر اقتصادي نښلونې، تاجکستان پر امنیتي اندېښنو، ترکمنستان پر انرژۍ او ترانزیټ او قزاقستان پر اقتصادي او ډیپلوماټیکو اړیکو تمرکز کوي.
د یاد انسټیټیوټ په وینا، امریکا هم له افغانستان نه تر وتلو وروسته له منځنۍ اسیا سره خپلې اړیکې ساتلې؛ خو تمرکز یې اوس پر اقتصادي همکاریو، انرژۍ، ترانسپورټ او پانګونې دی.
راپور د زلمي خلیلزاد او د طالبانو د بهرنیو چارو وزیر امیرخان متقي ترمنځ د وروستۍ لیدنې یادونه هم کوي او وايي، که څه هم خلیلزاد نور د امریکا رسمي استازی نه‌دی؛ خو دغه لیدنه ښيي چې د امریکا او افغانستان اړیکې په بشپړه توګه نه‌دي پرې شوې.
د امنیت او پرمختیا انسټیټیوټ په پایله کې وايي، امریکا له افغانستان نه وتلې خو افغانستان لاهم د منځنۍ اسیا د جیوپولیټیکي محاسبو مهمه برخه ده او د سیمې هېوادونه هڅه کوي د کابل د موضوع د مدیریت لپاره خپل سیمه‌ییز چوکاټونه پراخ کړي.

د بشري حقونو فعالان: په افغانستان کې ښځې او مذهبي لږکۍ له پراخو محدودیتونو سره مخ دي

۲ تله ۱۴۰۵ - ۲۴ سپتمبر ۲۰۲۶، ۰۵:۲۷ GMT+۱
100%

د امریکا د نړۍوالې مذهبي ازادۍ کمېسیون په یوه غونډه کې ویناوالو ته ویلي، د طالبانو تر واکمنۍ لاندې افغانستان کې ښځې او مذهبي لږکۍ له پراخو محدودیتونو سره مخ دي او د نجونو زده‌کړې، د ښځو تګ‌راتګ او مذهبي ازادۍ سختې محدودې شوې دي.

د غونډې پرمهال ویناوالو ویلي، نجونې له شپږم ټولګي پورته ښوونځیو ته د تګ اجازه نه‌لري او ښځې نه‌شي کولی له محرم پرته ډاکټر، محکمې یا ځینو عامه ځایونو ته ولاړې شي.
د افغانستان د بشري حقونو خپلواک کمېسیون پخوانۍ مشرې شهرزاد اکبر ویلي، د طالبانو تر واک لاندې افغانستان کې مذهبي لږکۍ له لا زیاتو فشارونو سره مخ شوې دي. هغې ویلي، مسیحیان، هندوان، بهایان او نور غیرمسلمان مذهبي لږکۍ اړې دي خپل دیني مراسم په پټه ترسره کړي؛ ځکه د نیول کېدو او حتی د مرګ له ګواښ سره مخ دي.
اغلې اکبر زیاته کړې، چې په افغانستان کې د سېکانو شمېر خورا کم شوی او یهودان، مسیحیان او د نورو ادیانو پیروان خپل دیني بدلونونه پټ ساتي. هغې دغه ادعا هم کړې، چې په هېواد کې خپلسرې نیونې او توقیفونه دوام لري او ځینې کورنۍ د خپلو نیول شویو خپلوانو د خوشې کېدو لپاره د پیسو ورکولو ته اړ اېستل کېږي.
د «ارامش» په نوم د یوه بنسټ مشرې صوفیا رمیار ویلي، ښځې د هېواد په کچه له محدودیتونو سره مخ دي؛ خو د مذهبي لږکیو ښځې د اضافي څار او محدودیتونو له ګواښ سره هم مخامخ دي.
د هغې په وینا، ګڼې ښځې عامه ځایونوته ته له تګ‌راتګ ډډه کوي او طالبان حتی په روغتونونو کې هم د ښځو د هویت د څار لپاره کسان ګوماري. رمیار ویلي، «حقونه د مذهب په نوم محدودېږي» او ګڼې ښځې د خپل خوندیتوب لپاره پر ځان محدودیتونه لګوي.
هغې زیاته کړې، چې ان سني مسلمانې ښځې هم د ستونزو د مخنیوي لپاره جوماتونو ته له تګ څخه ډډه کوي او د کور نارینه هم د ښځو د کړنو له امله له سزا سره مخ کېدای شي.
د غونډې ګډونوالو ویلي، د زده‌کړو، کار او ازاد تګ‌راتګ محدودیتونو د افغان ښځو پر رواني روغتیا ناوړه اغېز کړی او ډېری ښځې احساس کوي چې د دوی پر ضد محدودیتونه د هماغه دین په نوم توجیه کېږي چې دوی ته د عزت او ځواک احساس ورکوي.
کارپوهانو همداراز له امریکا غوښتي، چې د افغان پناه غوښتونکو لپاره د کډوالۍ قانوني لارې اسانه کړي، افغان محصلانو ته د امریکا پوهنتونونو ته د لاسرسي زمینه برابره کړي او پر طالبانو د نجونو او ښځو د محدودیتونو د لرې کولو لپاره فشار زیات کړي.
د راپور له مخې، که څه هم ځینې نجونې خپلې زده‌کړې په انلاین بڼه یا پټو ښوونځیو کې دوام ورکوي او یوشمېر نورې پاکستان ته تللې دي؛ خو د ګڼو افغان نجونو لپاره له لومړنیو زده‌کړو وروسته د زده‌کړې دروازې لاهم تړلې دي.
ګډونوالو خبرداری ورکړی، چې د معلوماتو راټولول او د بشري حقونو د سرغړونو ثبتول ورځ تر بلې ستونزمن کېږي، ځکه د دوی په وینا هغه سرچینې چې پخوا به یې معلومات شریکول، اوس له جدي محدودیتونو سره مخ دي.

فایننشل ټایمز: د عمران خان محبوبیت لاهم د پاکستان د پوځ لپاره لویه ننګونه ده

۲ تله ۱۴۰۵ - ۲۴ سپتمبر ۲۰۲۶، ۰۵:۰۰ GMT+۱
100%

فایننشل ټایمز په یوه راپور کې ویلي، د پاکستان پخوانی لومړی وزیر عمران خان له څه باندې درېیو کلونو راهیسې په زندان کې دی؛ خو د هغه محبوبیت لاهم د پاکستان د پوځ مشر عاصم منیر او د لومړي وزیر شهباز شریف د حکومت لپاره لویه سیاسي ننګونه بلل کېږي.

په راپور کې راغلي، د عمران خان په ملاتړ د اعتراضونو له اعلان سره سم په اسلام‌اباد کې چارواکو له وړاندې سړکونه د کانټینرونو په اېښودلو تړلي دي. د راپور له مخې، د پاکستان تحریک انصاف ګوند د یکشنبې لپاره د پراخو اعتراضونو اعلان کړی او د عمران خان د خوشې کېدو غوښتنه کوي.
راپور زیاتوي، پاکستاني رسنۍ د عمران خان د نوم له یادولو ډډه کوي او یوازې یې د تحریک انصاف د «بنسټګر» په نوم یادوي. راپور وړاندې کاږي، تېره میاشت روغتون ته د هغه د لېږد پرمهال چارواکو هڅه کړې وه چې د نوموړي انځورونه خپاره نه‌شي.
د راپور له مخې، چارواکو د عمران خان څو خویندې او نور خپلوان هم له اعتراضونو وړاندې نیولي او لامل یې «عامه امنیت ته جدي ګواښ» بللی دی. راپور وايي، د پوځ او حکومت له هڅو سره، سره عمران خان لاهم د مېلیونونه پلویانو لپاره د پاکستان د دودیز سیاست تر ټولو مهم بدیل ګڼل کېږي او شنونکي باور لري چې په ازاده ټاکنو کې به بریالی شي.
د اکسفورډ پوهنتون استاد عدیل ملک فایننشل ټایمز ته ویلي، پاکستان د عمران خان د محبوبیت او د پوځ د واکمنۍ ترمنځ په یوه سیاسي کړکېچ کې بند پاتې دی.
راپور وايي، عاصم منیر په وروستیو میاشتو کې د پاکستان د نړۍوال دریځ د پیاوړتیا هڅه کړې؛ خو په کور دننه له امنیتي ستونزو، اقتصادي ننګونو او د ولسي ملاتړ له کمښت سره مخ دی.
د اتلانتیک شورا شنونکي مایکل کوګلمن ویلي، پر عمران خان او د هغه پر پلویانو دوامداره فشارونه ښايي نوي اعتراضونه او سیاسي بې‌ثباتي رامنځته کړي. راپور لیکي، چې عمران خان په ۲۰۱۸کال کې له پوځ سره د نږدې اړیکو له امله واک ته ورسېد؛ خو وروسته یې له پوځ سره سیاسي اختلافات رامنځته شول.
نوموړی د اقتصادي ناورین پر مهال د پارلمان د بې‌باورۍ په رایه له واکه لرې شو او له ۲۰۲۳کال راهیسې د فساد او ترهګرۍ په ګډون په بېلابېلو تورونو زنداني دی. د هغه ګوند وايي، دغه قضیې سیاسي انګېزه لري.
راپور د عمران خان د خور عظمی خان په حواله ویلي، نوموړی په زندان کې د روغتیايي خدمتونو له کمښت سره مخ دی او په انفرادي خونه کې ساتل کېږي. راپور د ۲۰۲۳کال د اعتراضونو یادونه هم کوي او وايي، کله چې عمران خان ونیول شو، د هغه پلویانو پر پوځي تاسیساتو بریدونه وکړل چې وروسته امنیتي ځواکونو په زرګونو کسان ونیول.
د راپور له مخې، د ۲۰۲۴کال په نومبر کې هم د عمران خان د پلویانو د لاریون پرمهال امنیتي ځواکونو پارلمان ته نږدې پر لاریون کوونکو ډزې وکړې او د تحریک انصاف او عیني شاهدانو په وینا، لږ تر لږه ۱۲ کسان ووژل شول.
راپور وايي، د عمران خان د پلویانو د بسیج کولو وړتیا د پوځ لپاره په داسې وخت کې یوه جدي ستونزه ده چې پاکستان د لوېدیځو ایالتونو له ناامنۍ او د کشمیر له اعتراضونو سره هم مخ دی.
راپور زیاتوي، چې حکومت د مخالفتونو د محدودولو لپاره قانوني بدلونونه راوستي او د انټرنېټي بیان پر ازادۍ یې محدودیتونه لګولي دي. راپور د حقوقي کارپوه اسد رحیم خان په حواله لیکلي، پاکستان د خپل تاریخ له «تر ټولو ستر قضایي شاتګ» سره مخ دی او پر خپلواکو قاضیانو فشارونه زیات شوي دي.
راپور کاږي، سره له دې چې عمران خان په زندان کې دی، د هغه انځورونه لاهم د پاکستان په ښارونو کې پر موټرو او رېکشاوو لیدل کېږي او د مصنوعي ځیرکتیا له لارې جوړې شوې ویدیوګانې یې پر خواله رسنیو کې په پراخه کچه خپرېږي.