د ایران اسلامي جمهوریت د بهرنیو چارو وزارت ویاند اسماعیل بقايي په یوه ټلوېزیوني خپرونه کې ویلي چې د احتمالي هوکړې په اړه خپرېدونکي راپورونه یوازې اټکلونه دي او لا تر اوسه وروستۍ شوې نه ده.
هغه وویل: «هغه خبرې چې د یوې هوکړې په اړه کېږي، یوازې اټکلونه دي او موضوع لا تر اوسه وروستۍ شوې نه دي».
بقایي زیاته کړه چې د خبرو اترو بهیر له پیله د ایران لپاره روښانه و او د وروستي متن ډېره برخه بشپړه شوې وه، خو د ده په وینا، امریکایي لوري په بېلابېلو پړاوونو کې خپل دریځونه بدلول.
نوموړي وویل: «د مذاکراتو وضعیت له پیل څخه زموږ لپاره څرګند و او د وروستي متن لویه برخه نهايي شوې وه، خو امریکایانو خپل دریځونه بدلول».
