پاکستاني رسنۍ: تېره شپه د هند تر ولکې لاندې کشمیر په اسمان کې هندۍ جنګي الوتکې ګرځېدې

د پاکستان دولتي ټلویزیون د یو راپور په خپرولو سره ویلي، چې بېګا شپه د هند تر ولکې لاندې کشمیر په اسمان کې د دغه هېواد څلور جنګي الوتکې ګرځېدې راکرځېدې.

د دغه راپور له مخې، د پاکستان د هوايي ځواک پر وخت اقدام له امله د هند رافایل الوتکې له سیمې وتښتېدې؛ خو په راپور کې د دغه اقدام په اړه ډېر معلومات نه دي راغلي.
دغه رسنۍ د پاکستان د امنیتي سرچینو په حواله لیکلي، چې بېګا شپه د هند د هوايي ځواک څلور رافایل جېټ الوتکې د هند تر ولکې لاندې د جمو او کشمیر په اوږدو کې پر ګزمې بوختې وې.
دغه سرچینو دا هم ویلي، پاکستاني ځواکونه چمتو دي چې د هند هر ډول تېري ته مناسب ځواب ورکړي.