د چین او روسیې د بهرنیو چارو وزیرانو په برازیل کې سره ولیدل

د چین د بهرنیو چارو وزارت ویلي، چې د دغه هیواد د بهرنیو چارو وزیر وانګ‌یي د برازیل په ریو دي جنیرو کې د بریکس د بهرنیو چارو وزیرانو د غونډې په څنډه کې د روسیې د بهرنیو چارو له وزیر سرګي لاوروف سره ولیدل.

دغه وزارت د دوشنبې په ماښام د وانګ‌يي له قوله وويل: «د یو اړخیز او څو اړخیزو ترمنځ لوبه ګړندۍ شوې ده، او د واک ساتلو او واک سره د مقابلې ترمنځ سیالي په ټوله نړۍ کې روانه ده.»