په کرمان کې د افغان کډوالو د موټر چپه کېدو له کبله ۶ تنه مړه او ۴ ټپيان شوي دي

د ایران رسنیو د کرمان د بېړنيو پېښو د برخې د مشر له قوله ویلي، چې د برسیر ښار د باغین – بردصیر پر لویه لار د افغان کډوالو یو موټر چپه شوی، چې ۶ تنه په کې مړه او ۴ نور ټپيان شوي دي. سیدمحمد صابري زياته کړې، چې موټر د تېز تګ له امله چپه شوی او د ټپيانو حالت هم نازک دی.

د ایران ایسنا خبري اژانس د جمعې په ورځ ویلي، چې د افغان کډوالو د موټر چپه کېدو په پېښه کې د مړه شويو کسانو عمرونه له ۲۰ تر ۳۵ کلونو ترمنځ دي.

د کرمان د بېړنيو پېښو د برخې مشر سیدمحمد صابري ویلي، چې د پېښه ځای ته یې پر وخت روغتيايي ډلې لېږلې وې او دغو کسانو په روغتون کې د سختو ټپونو له کبله ساه ورکړې.

د نوموړي په خبره، د پېښې قربانیان ټول نارینه دي