په امریکا کې د ولسمشر ډونالډ ټرمپ محبوبیت له ۴۷ څخه ۴۳ سلنې ته ټیټ شوی
پر امریکا متحدهایالاتو د ډونالډ ټرمپ له بیاځل واکمنېدو وروسته په دغه هېواد کې د نوموړي محبوبیت له ۴۷ څخه ۴۳ سلنې ته ټیټ شوی دی.
د ګیلپ د نظر پوښتنې له مخې، ټرمپ دا مهال د امریکا په خلکو کې ۴۳ سلنه محبوبیت لري او دا نظرپوښتنه د محبوبیت ۴ سلنه ټیټوالی ښیي.
نظر پوښتنه کاږي، چې د ټرمپ د ۲۰۲۵ کال پروژې، د تعرفو ګواښونو او د دولتي ادارو په تړاو نادر نظریات د دې لامل شوي، چې د امریکا په خلکو کې یې محبوبیت کم شي.
سرچینه زیاتوي، چې د اېلان ماسک بېقید مداخلې او د سېګنال د چټونو د محرمو خبرو خپرېدل هم د هغه د محبوبیت د کمېدو لامل شوی دی.
د نظرپوښتنې له مخې، یوازې ۳۸ سلنه خلک د ټرمپ له سوداګریزو پالیسیو خوښ دي او د اقتصاد او نورو مسایلو په اړه یې ملاتړ کم شوی دی.
کارپوهان وایي، چې د ټرمپ دویمه دوره هم د هغه د لومړۍ دورې په څېر له ګډوډۍ او بېثباتۍ ډکه ده.
د امریکا ولسمشر ډونالډ ټرمپ د ۲۰۲۵ کال د جنورۍ په ۲۰مه د ولسمشرۍ له لوړې وروسته پر خپلو سوداګریزو او دودیزو ملګرو ځانګړي بندیزونه او تعرفې ولګولې، چې له امله یې په نړۍواله کچه غبرګونونه را وپارېدل.