د هند کرېکټ غوره لیګ سیالۍ؛ نور احمد د ممبیي انډینز پر وړاندې خپله لوبډله بریا ته ورسوله
د ۲۰۲۵کال د هند کرېکټ غوره لیګ سیالیو په خپلې لومړۍ لوبه کې افغان لوبغاړي نور احمد لکڼوال تېرماښام ممبیي انډینز پر وړاندې خپله لوبډله بریا ته ورسوله.
دا لومړی ځل دی، چې نور احمد لکڼوال د چینای سوپر کېنګز لوبډلې لپاره لوبېږي.
هغه تر دې وړاندې د راشدخان سره یوځای د ګجرات لوبډلې لپاره لوبې ترسره کړې دي.
نوراحمد لکڼوال په بېګانۍ لوبه کې په خپلو څلورو اورونو کې د ممبیي انډینز څلور مهمې وېکټې واخیستې او د دغه لوبې غوره لوبغاړی شو.
له دې سره تر دې دمه په دغو سیالیو کې نوراحمد لکڼوال تر نورو ډېرې وېکټې اخیستې او د دغه سیالیو ځانګړې بانجاني خولۍ چې د غوره لوبغاړي نښه بلل کېږي ترلاسه کړې ده.
د هند په روان کرېکټ غوره لیګ سیالیو کې د راشد خان او نور احمد لکڼوال په ګډون ۷ تنه افغان لوبغاړي لوبېږي.
د ۲۰۲۵ کال ای پي اېل لوبې (د مارچ په ۱۴مه) پیل شوې دي او (د مې تر ۲۵مې) به دوام وکړي.
داسې تمه کېږي، چې د نورو کالونو په څېر به دا ځل هم د هند کرېکت غوره سیالو کې افغان لوبغاړي ښه وځلېږي؛ خو تر دې مهاله ځوان لوبغاړي نور احمد لکڼوال په بېګانۍ لوبه کې د ښه لاسته راوړنو له امله د نورو ډېرو نړۍوالو پام ځان ته را اړولی دی.