د ۲۰۲۵ کال هند غوره لیګ کرېکټ سیالۍ پیل شوې
د هند غوره لیګ یا ای پي ایل سیالۍ نن د رویالزچلینجر بنګلور او کلکته نایټ رایډرز لوبډلو په لوبه پیل شوx. د دغه لیګ د پرانیستې مراسمو کې د بالیوډ فلمي ستوري شاهرخ خان او مشهور سندرغاړو ګډون کړی و.
ای پي ایل په نړۍ کې تر ټولو ډیر مشور سوداګریز کرېکټ لیګ دی چې له پاکستان پرته د کرېکټ نړۍ غوره لوبغاړي په کې لوبیږي.
په دغه لیګ کې لس لوبډلې د اتلولۍ ګټلو لپاره په ۱۳ لوبغالو کې یو د بل په وړاندې لوبیږي.
په ای پي ایل لیګ کې سږکال ۷ افغان لوبغاړي اخیستل شوي دي.
راشد خان او کریم جنت په ګجرات ټیټان لوبډله کې، رحمان الله ګربز په کلکته نایټ رایډرز، نور احمد په چینای سوپرکینګز، مجیب الرحمن ځدران په ممبایي اینډینز، عظمت الله عمرزی په پنجاب کینګز او فضل الحق فاروقي په راجستان رویالز لوبډله کې اخیستل شوی دی.
په ای پی اېل کې ۷ افغان لوبغاړو سربیره د نورو هېوادونو ۷۰ لوبغاړي هم لوبیږي او خپله له هند څخه ۱۸۰ لوبغاړي په یادو لسو لوبډلو کې اخیستل شوي دي.
تیر کال ممبایي اینډینز لوبډله د هند غوره لیګ کرېکټ سیالیو اتلولي ګټلي.
دغه سیالۍ به د می میاشتې په ۲۵مه نېټه پای ته ورسیږي.