ټیسټ سیالۍ: نن زمبابوې لوبډلې ۲۴۳ او افغان لوبډلې ۴۶ منډې جوړې کړې
د افغانستان او زمبابوې لوبډلو ترمنځ په دویمه ټېسټ لوبه کې سیالې لوبډلې د افغان اتلانو د ۱۵۷ منډو په ځواب کې د خپلو ټولو لوبغاړو په سوځېدو ۲۴۳ منډې جوړې کړې. د همدې منډو په تعقيب افغان لوبډلې بیا ۴۶ منډې جوړي کړې او ۳ لوبغاړي يې سوځېدلي دي.
د افغانستان او زمبابوې لوبډلو ترمنځ په دويمه ټېسټ سیالۍ کې زمبابوې لوبډلې د خپلو ټولو لوبغاړو په سوځېدو ۲۴۳ مندې جوړې کړې.
د افغان لوبډلې په توپ اچونه کې راشدخان څلور، یامین احمدزي درې او فريد احمد ملک دوه لوبغاړي وسوځول.
د همدې منډو په تعقيب افغان لوبډلې توپوهنه پيل کړه، چې د ورځي تر پایه يې د دریو لوبغاړو په سوځېدو ۴۶ منډې کړې دي.
په افغان لوبډله کې عبدالمالک، ریاض حسن او لوبډلمشر حشمت الله شهيدي سوځېدلي او رحمت شاه او ضیاء الرحمان د منډو جوړېدو لپاره ملګرتيا کوي.
افغان لوبډله به سبا هم خپلي لوبې ته دوام ورکوي.
دا د روانې لوبلړۍ دویمه ټيسټ سیالي ده، تر دې وړاندې لومړۍ ټیسټ سیالي د پرله پسې ورښتونو له امله بې پایلې پای ته ورسېده.
