د افغانستان او زیمبابوې کرېکټ لوبډلو ترمنځ د دوو ټېسټ سیالو د لوبلړۍ دویمه لوبه نن پیلږي

‏ د افغانستان او زیمبابوې کرېکټ ملي لوبډلو ترمنځ د دوو ټېسټ سیالو د لوبلړۍ دویمه لوبه نن غرمه د کابل پر وخت ۱۲:۳۰ بجې پیلږي. ټاکل شوې دغه لوبه د زیمبابوې د بولاوایو په کوینز سپورټس کلب کریکټ لوبغالي کې پیل شي.

د افغانستان او زیمبابوې ترمنځ لومړۍ ټېسټ لوبه د تېرې دوشنبې په ورځ مساوي پای ته رسېدلې وه.
د دواړو لوبډلو ترمنځ لومړۍ ټېسټ لوبه چې د تېرې ډیسمبر میاشتې په ۲۶مه نېټه پیل شوې وه، زیمبابوې لوبډلې په کې په لومړۍ پاڼۍ کې ۵۸۶ منډې جوړې کړې وې.
د لوبې په دویمه پاڼۍ کې بیا حشمت الله شهیدي ۲۴۶، رحمت شاه زرمتي ۲۳۴ او افسر ځاځي ۱۱۳ منډو په مټ ۶۶۹ منډې جوړې کړې.
د لوبې په وروستۍ ورځ د زیمبابوې لوبډله د افغانستان له لوري د ورکړي هدف پوره کېدو په موخه لوبغالي ته ښکته شوه؛ خو د لوبې پرمهال د باران له امله زېمبابوې لوبډله ونه توانېده، چې پاتې اورونه ولوبوي.