د کرېکټ نړۍوالې شورا عظمت عمرزی د ۲۰۲۴ کال د غوره لوبغاړي جایزې ته نوماند کړی

د کرېکټ نړۍوالې شورا د افغان کرېکټ لوبډلې الراونډر عظمت الله عمرزی د ۲۰۲۴ کال د یو ورځينیو سیالیو د غوره لوبغاړي جایزې ته نوماند کړی دی.

له عظمت الله عمرزي سره درې نور نوماندان د سریلانکا ونېندوهسرنګا، کوشال مېنډِس او د ویسټ‌انډیز لوبغاړی شرفن روتِرفرډ هم دي.
عظمت الله عمرزي د ۲۰۲۴ کال په یو ورځینیو لوبو کې ۴۱۷ منډې کړي، ۱۷ لوبغاړي یې اوټ کړي او درې کېچونه یې اخیستي دي.
د کرېکټ نړۍوالې شورا د دغه لوبغاړو لپاره انلاین رای اچونه پېل کړې.
ویل کېږي، چې دغه رایه اچونه وروستۍ پرېکړه نه شي کولی، خو له لوبغاړي سره بریاليتوب کې مرسته کولی شي.