• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

نبیل: طالبان د افغانستان د ځمکنۍ بشپړتیا د ساتنې وړتیا نه لري

۴ مرغومی ۱۴۰۳ - ۲۴ دسمبر ۲۰۲۴، ۱۹:۳۳ GMT+۰

د افغانستان د ملي امنیت پخوانی رییس رحمت الله نبیل د پکتیکا ولایت په برمل ولسوالۍ د پاکستان د هوایي بریدونو په غبرګون ویلي، چې طالبان د افغانستان د ځمکنۍ بشپړتیا د ساتنې وړتیا نه لري.

نوموړي په خپل اېکس کې لیکلي: «طالبان د یوې ترهګرې ډلې په توګه، نه یوازې د افغانستان د ځمکنۍ بشپړتیا د ساتنې وړتیا نه لري، بلکې د دوی شتون خپله د افغانستان ملي امنیت د سخت کمزورۍ او د هېواد د ځمکنۍ یووالي د ګواښ لامل ګرځېدلی دی.»
د نوموړي په خبره، طالبان د نیابتي موخو لپاره په واک کې ځای پر ځای شوي او د بهرنیو قدرتونو په لاس کې داسې یوه وسیله ده، چې هدف یې د افغانستان د بنسټونو ورانول، د ملي ادارو فلج کول او په هېواد کې د اوږدمهاله بې‌ثباتۍ رامنځته کول دي.
ښاغلی نبیل دغه راز وایي، چې طالبانو د افغانستان په کورنیو چارو کې خپل مشروعیت له لاسه ورکړی او همداراز د هېواد د حاکمیت د قرباني کولو لپاره د نیابتي لوبې برخه ګرځېدلې دي.
د افغانستان د ملي امنیت پخوانی رییس وایي، چې پاکستان د افغانستان په خاوره د بریدونو په ترسره کولو سره غواړي نړۍوالې ټولنې او د افغانستان خلکو ته دا پیغام ورسوي، چې طالبان یوازې د دوی د استعماري او توسعوي سیاستونو وسیله دي.
رحمت الله نبیل زیاتوي، چې د افغانستان په ملکي سیمو بمبارۍ چې له امله یې د ښځو او ماشومانو په ګډون ملکي کسان وژل شوي، نه یوازې د بشریت پر وړاندې یو ښکاره جنایت دی، بلکې د نړۍوالو قوانینو او د افغانستان د ملي حاکمیت په وړاندې د پاکستان د مطلقې بې‌پروايۍ څرګندونه کوي.
د هغه په وینا، د افغانستان په خاوره د پاکستان بریدونه د افغانانو او نړۍوالې ټولنې لپاره یو جدي خبرداری دی، چې نور باید د پاکستان د ښکاره تجاوز او په سیمه کې د نیابتي جګړو پر وړاندې چوپ پاتې نه شي.
نبیل په داسې حال کې د طالبانو پر حکومتي چارو او د پاکستان په بریدونو غبرګون ښودلی، چې د پاکستان پوځ د هوایي بریدونو په ترڅ کې د پکتیکا ولایت د برمل ولسوالۍ یو شمېر سیمې په نښه کړي، چې له امله یې د ښځو او ماشومانو په ګډون ملکي کسانو ته مرګژوبله اوښتې.
تر اوسه د پېښې د تلفاتو د کره شمېر په اړه طالب چارواکو څه نه دي ویلي.

ډېر لیدل شوي

د غونډې په پلمه؛ مولوي هبت الله د داخلي اختلافاتو د حل او اطاعت منلو لپاره کابل ته تللی
۱

د غونډې په پلمه؛ مولوي هبت الله د داخلي اختلافاتو د حل او اطاعت منلو لپاره کابل ته تللی

۲

بایډن: که اړتیا وي، امریکا بېرته افغانستان ته ستنېدای شي

۳

بایډن خپل کتاب کې: افغانستان په قبایلي سیالۍ کې ډوب دی، هېڅکله به دیموکراسۍ ته ونه رسیږي

۴

په خوست او پکتیا کې یو شمېر سوداګر او بڼوال د ځڼغوزیو د بیو له ټیټوالي شکایت کوي

۵

په امریکا کې لسګونه افغان کډوال پاکستان ته د اېستلو له ګواښ سره مخ دي