افغانستان له زیمبابوې د پنځوس اوره سیالیو لړۍ هم وګټله
افغانستان د دریو یو ورځنیو سیالیو لوبلړۍ دوه پرله پسې لوبې له زیمبابوې وګټلي او لوبلړۍ یې په خپل نوم کړه. د دغو سیالیو لومړۍ لوبه د باران له امله بې نتیجي اعلان شوي وه. تردې وړاندې افغانستان له زیمبابوې د شل اوره لوبو لړۍ هم ۲پر ۱ ګټلي وه.
د زیمبابوې په کوربه توب د دریو یو ورځنیو سیالیو د لوبلړۍ د وروستۍ لوبې پچه افغان لوبډلې وګټله او کوربه لوبډلې ته یې د توپ وهنې بلنه ورکړه.
د لوبې په لومړۍ پاڼۍ کې افغان توپ اچوونکو د زیمبابوې لوبډلې ټوله لوبډله د لوبې په ۳۰،۱ اورونو کې په ۱۲۷ منډو وسوځوله.
په توپ اچونه کې د افغانستان ځوان ورو توپ اچوونکي الله محمد غظنفر پنځه، راشد خان درې عظمت الله عمرزي او فرید ملک یوه ـ یوه ویکټه واخیستله.
د لوبې په دوهمه پاڼۍ کې د افغان لوبډلې دوه پیلیز توپ وهونکو ښه ملګرتیا وکړه.
په توپ وهنه کې صدیق اتل ۵۲، عبدالمالک ۲۹ او حشمت الله شهیدي ۲۰ ناسوځیدلې منډې جوړې کړي او د لوبې په ۲۶،۵ اور کې یې د زیمبابوې د ۱۲۸ منډو هدف پوره کړ.
د افغانستان او زیمبابوې ترمنځ د دغې لوبلړۍ لومړۍ لوبه د روان له امله بې نتیجې اعلان شوه او دوه ورځې وړاندې په دوهمه لوبه کې افغان لوبډلې کوربه لوبډلې ته د ۲۳۲ منډو په توپير ماتې ورکړه.
افغان لوبډلې زیمبابوې ته په خپل دغه سفر کې د شل اوریزو لوبلړۍ هم ۲ پر ۱ ګټلې ده.
فغان لوبډله پنځه ورځز وروسته د زیمبابوې په وړاندې دوه ټېسټ لوبې هم کوي.
دغو ټېسټ لوبو ته تېره اونۍ د افغانستان کرېکټ بورډ حشمت الله شهیدي په لوبډلمشرۍ ۱۸ کسیزه لوبډله اعلان کړل.
