د افغانستان کرېکټ ملي لوبډله سبا د زمبابوې لوبډلې پر وړاندې لوبه کوي
د افغانستان او زمبابوې کرېکټ ملي لوبډلو ترمنځ یو ورځنۍ لوبې سبا سې شنبه (د لېندۍ په ۲۷مه) نېټه پیلېږي. د دغې لوبلړۍ لومړۍ لوبه سبا د کابل په وخت د غرمې په ۱۲بجو د زمبابوې په کوربهتوب هرارې لوبغالي کې پیلېږي.
د دغې لوبلړۍ لپاره د افغانستان د کرېکټ بورډ لهخوا په خپور شوي نوملړ کې د عبدالمالک، دروېش رسولي، حشمت الله شاهدي، صدیق اتل، عظمت الله عمرزي، کلبدین نایب، محمدنبي، رحمت شاه، اکرام عليخېل، رحمان الله ګربز، الله محمد غضنفر، بلال سمیع، فرید احمد، فضل الحق فاروقي، مجیب الرحمن ځدراڼ، ننګیالي خروټي، نویډ ځدراڼ او راشدخان نومونه راغلي دي.
افغانستان د زمبابوې لوبډلې پر وړاندې ټولې ۲۸ یو ورځنۍ لوبې ترسره کړي، چې په کې ۱۸ لوبې یې ګټلې او ۱۰ نورې لوبې بیا زمبابوې لوبډلې ګټلې دي.
په دغو لوبو کې به د افغان کرېکټ ملي لوبډلې لوبډلمشري د حشمت الله شهیدي پر غاړه وي.
تر دې وړاندې افغان لوبډلې د زمبابوې په کوربهتوب د درېیو شل اوریزو لوبو لړۍ د دوو بریاوو په توپیر ګټلې وه.
