ژوند او روغتیا؛ د ځمکې توت یا سټرابیري ګټې
د ځمکې توت (سټرابیري) یو خوندوره او ښکلې مېوه ده، چې له ویټامینونو، منرالونو، فایبر او نورو مرکباتو څخه بډایه ده. سټرابیري د انټي اکسیډنټ او التهاب ضد خاصیت لري.
د ځمکې توت یا سټرابیري له انټي اکسیډنټ څخه بډایه ده
سټرابیري د انټي اکسیډنټونو څخه بډایه دي، په دې مېوې کې موجود ویټامین سي له هغو ازادو راډیکالونو سره مبارزه کوي چې بدن ته تاوان رسولی شي.
د دې تر څنګ دا د بدن د حجرو د سوځېدو په شمول د التهاب مخه نیسي.
د ځمکې توت یا سټرابیري د زړه د ناروغیو مخنیوی کوي
په سټرابري کې موجود انټي اکسیډنټونه کولی شي د زړه له ناروغۍ مو وژغوري.
یوې څیړنې موندلې چې په دې میوه کې موجود انټي اکسیډنټونه د زړه د حملې خطر کموي او د فایبر د شتون له امله د کولیسټرول کچه هم ټیټوي.
د ځمکې توت یا سټرابیري د بدن معافیت پیاوړی کوي
سټرابیري کولی شي د معافیت سیسټم پیاوړی کړي ځکه چې ویټامین سي لري، کوم چې د معافیت سیسټم پیاوړی کوي.
که سټرابیري په خپل موسم کې هره ورځ وخوړل شي نو دا به تاسو د زکام په شمول له موسمي ناروغیو وساتئ.
د ځمکې توت یا سټرابیري پوستکی ښکلی کوي
سټرابیري د پوستکي په ښکلي کولو او د رنګ په روښانه کولو کې تر ټولو ښه رول لوبوي. سټرابیري پوستکی له خارښ او سوځیدلو څخه ساتي.
د ځمکې توت یا سټرابیري د شکرې ناروغۍ مخه نیسي
په دې مېوه کې د پولیفینول په نوم مرکبات د انسولین حساسیت ته وده ورکوي، په دې توګه د وینې د لوړ شکر خطر کموي.
په دې مېوې کې موجود فینولز نومي مرکبات په بدن کې د انسولین حساسیت ښه کوي، په دې توګه د وینې د لوړ شکر خطر کموي.
د سټرابیري خوړل د ګلوکوز نور ډولونه کنټرولولو کې هم مرسته کوي.
