افغانستان د زیمبابوې په وړاندې په وروستۍ شل اوره لوبه کې توپ اچونه کوي
د افغانستان او زیمبابوې د ملي لوبډلو ترمنځ د درې شل اوره لوبو د دریمې او وروستۍ لوبې پچه افغان لوبډلې وګټله او سیالې لوبډلې ته یې د توپ وهنې بلنه ورکړل.
د زیمبابوې په کوربه توب نن شنبه د افغانستان او د کوربه هېواد ترمنځ د شل اوره لوبلړۍ وروستۍ او برخلیک ټاکونکي لوبه کیږي.
د دغې وروستۍ لوبې پچه هم راشد خان وګټله او د زیمبابوې لوبډلې ته یې د توپ وهنې بلنه ورکړه.
د زیمبابوې په وړاندې په وروستۍ او برخلیک ټاکوونکي لوبه کې د راشد خان په لوبډلمشرۍ، رحمن الله ګربز، زبید اکبري، صدیق الله اتل، درویش رسولي، عظمت الله عمرزی، محمد نبي، مجیب الرحمن ځدراڼ، نوین الحق او فضل الحق فاروقي په یوولس کسیز نوملړ کې اخیستل شوي دي.
د زیمبابوې په وړاندې د وروستۍ شل اوره لوبې لپاره د افغانستان په یوولس کسیز نوملړ کې یو بدلون راغلی دی، د فرید ملک پر ځای فضل الحق فاروقي لوبډلې ته ور اضافه شوی دی.
روانه لوبلړۍ د افغانستان او زیمبابوې لوبډلو ترمنځ یو پر یو مساوي ده، او د نن ګټونکي لوبډلې ته به د دغه شل اوره لوبلړۍ د اتلولی جام ورکړل شي.
