د ۱۹ کلنو کرېکټ اسیا جام پایلوبه؛ هند د بنګلهدېش په وړاندې توپ اچونه کوي
د ۱۹ کلنو کرېکټ اسیا جام پایلوبه د هند او بنګلهدېش د ۱۹ کلنو ملي لوبډلو ترمنځ په متحده عربي اماراتو کې ترسره کیږي. دغه دواړه لوبډلې په نیمه پایلوبه کې پاکستان او سریلانکا ته په ماتې ورکولو سره پایلوبې ته وتلې دي.
د متحده عربي اماراتو په کوربه توب د ۱۹ کلنو د کرېکټ اسیا جام سیالیو پایلوبه نن یکشنبه د (لیندۍ ۱۸مه) په دوبۍ کرېکټ نړۍوال لوبغالي کې ترسره کیږي.
د یادو سیالیو په پایلوبه کې د هند او بنګلهدېش د ۱۹ کلنو کرېکټ ملي لوبډلې سره مخ شوې دي.
د لوبې پچه د هند لوبډلې وګټله او د بنګلهدېش لوبډلې ته یې د توپ وهنې بلنه ورکړه.
د ۱۹ کلنو د کرېکټ اسیا جام یو ورځنۍ سیالۍ د لیندۍ په ۹مه نېټه پیل شوې.
په دغو سیالیو کې افغانستان، پاکستان، هند، بنګلهدېش، سریلانکا، جاپان، نپیال او متحده عربي اماراتو لوبډلې شاملې وې.
له یادو لوبډلو څخه د سریلانکا او پاکستان د ۱۹ کلنو کرېکټ لوبډلو تر نیمه پایلوبې ځانونه ورسول، خو د افغانستان په ګډون سریلانکا، جاپان، نیپال او عربي اماراتو لوبډلو په ګروپي سیالیو کې خپلې لوبې بایلودې.
