هند په پاکستان کې د نابینایانو نړیوال جام کې ګډون نه کوي
د هند د نابینایانو کرېکټ لوبډله وايي، په پاکستان کې د ۲۰۲۴ کال نړیوال جام کې ګډون نه کوي.
د هندي او پاکستاني رسنیو د رپوټ له مخې د هند حکومت دې لوبډلې ته په جام کې د ګډون اجازه نه ده ور کړې.
د هند د نابینایانو کرېکټ ټولنې مشر شیلندرا یادیو وايي، ۲۵ ورځې یې د حکومت اجازې ته انتظار وکړ، خو څه یې تر لاسه نه کړل.
نوموړی زیاتوي، اوس دوی پرېکړه کړې چې پاکستان ته نه ځي.
دا جام د روانې نومبر میاشتې له ۲۳مې د راتلونکې دسمبر میاشتې تر دریمې د پاکستان په لاهور او ملتان کې کېږي.
د افغانستان کرېکټ بورډ د نابینایانو د شل اوره نړیوال جام د سیالیو لپاره۱۶ کسیزه افغان لوبډله اعلان کړه.
د پاکستاني رسنیو د رپوټ له مخې دا لومړی ځل دی چې افغان لوبډله په دې جام کې ګډون کوي
