د افغانستان له ۱۹ کلنو کم عمره لوبډلې پاکستان ته د ۳۰۷ منډو هدف وټاکه
د افغانستان له ۱۹ کلنو کم عمره ملي لوبډلې د ۸ وېکټو په تاوان د پاکستان لوبډلې ته د ۳۰۷ منډو هدف وټاکه.
د افغانستان، پاکستان او متحده عربي اماراتو ترمنځ دا لوبې په اماراتو کې روانې دي.
د دې لړۍ په لومړۍ لوبه کې نن پاکستان پچه وګټله او افغان لوبډلې ته یې د توپ وهلو بلنه ور کړه.
افغان لوبډلېو د ټولو اورونو په لوبولو سره ۳۰۶ منډې جوړې کړې.
د افغان لوبډلې په ګټه فیصل خان د غوره توپوهنې پر مټ ۱۲۳، محبوب خان ۵۴، برکت الله ۳۶ او نظیف الله ۳۱چټکې منډې جوړې کړې.
اوس د پاکستان له ۱۹ کلونو کم عمره لوبډله د دې هدف پوره کولو لپاره لوبېږي.
