افغانستان نن د بنګله دېش په وړاندې لوبه کوي
د افغانستان او بنګله دېش کرېکټ ملي لوبډلو ترمنځ د پنځوس اویرزو سیالیو لوبلړۍ دویمه لوبه نن د شنبې په ورځ په شارجه کرېکټ لوبغالي کې ترسره کېږي.
د دغې لوبلړۍ لومړۍ لوبه د تېرې چهارشنبې په ورځ ترسره شوه، چې افغانستان د ۹۲ منډو په توپیر خپلې سیالې لوبډلې ته ماتې ورکړه.
که ننۍ لوبه افغان لوبډله وګټي؛ نو د دغې لړۍ اتلولي به خپله کړي او که سیالې ډلې دغه لوبه وګټله نو ګټونکې لوبډله به د راتلونکې دوشنبې په ورځ په بله لوبه کې له افغانستان سره لوبه کوي او په هغې لوبه کې به د لوبلړۍ ګټونکې او بایلونکې لوبډله جوته شي.
ننۍ لوبه د کابل په وخت د ماسپښین په دوه نیمو بجو پیلیدونکې ده.
