د پاکستان کرېکټ لوبډلې په دویمه یو ورځنۍ لوبه کې اسټرالیا ماته کړه
د پاکستان کرېکټ لوبډلې نن د دریو یو ورځنیو نړیوالو لوبو په دویمه سیالۍ کې اسټرالیا ته د نهو ویکټو په توپیر ماتې ور کړه.
اسټرالیا د پچې ګټلو سره توپ وهلو ته مخه کړه او د ټولو لوبغاړو سوځېدو سره یې په ۳۵ اورونو کې ۱۶۳ منډې جوړې کړې.
د پاکستان لوبډلې په ۲۶ اور کې د یوه لوبغاړي سوځېدو سره دا هدف پوره او لوبه یې وګټله.
په اسټرالیا کې د دواړو هېوادونو ترمنځ دا لوبلړۍ اوس یو په یو مساوې شوې.
راتلونکې لوبه د دواړو لپاره مهمه ده چې ور سره لوبلړۍ ګټل کېږي.
د پاکستان لومړي وزیر شهباز شریف د دغه هېواد د کرېکټ لوبډلې پر ننني بري خوښي ښودلې ده.
