د افغانستان د کرېکټ الف لوبډله نن د سریلانکا الف کرېکټ ملي لوبډلې پر وړاندې لوبېږي
د افغانستان د کرېکټ الف لوبډله نن د اېمرجېنګ اسیا جام شل اوریزه کرېکټ سیالیو په لړ کې د سریلانکا الف کرېکټ ملي لوبډلې پر وړاندې د لوبو ډګر ته ښکته کېږي.
دغه لوبه نن د کابل په وخت د ماښام په ۶ بجو د عمان په کوربهتوب پیلېږي.
د دغو سیالیو لومړۍ لوبه هم نن ماسپښین ۱:۳۰ بجه د بنګلهدېش الف او هانګ کانګ لوبډلو ترمنځ پیلېږي.
دغه سیالۍ په دوو ګروپونو کې ترسره کېږي، چې په هر ګروپ کې پنځه لوبډلې لوبېږي.
د افغانستان لهخوا په دغو سیالیو کې لوبډلمشري د دروېش رسولي په غاړه ده.
د دروېش رسولي ترڅنګ به په دغو سیالیو کې په افغان لوبډله کې زبېد الله اکبري، وفي الله تره خېل، بلال سمیع، محمد اسحاق شېرزاد، نعمان شاه اغا، شرف الدین اشرف، ننګیالی خروټی، کریم جنت، الله محمد غضنفر، قیس احمد کامهوال، فریدالله داوودزی، صدیق الله اتل، شاهدالله کمال او عبدالرحمن رحماني ولوبېږي.
