په کونړ کې د سېلابونو له امله یو تن مړ او نهه نور ټپیان شوي دي
د طالبانو تر واک لاندې له پيښو سره د مبارزې د چمتوالي ادارې په خپله اېکس پاڼه لیکلي، چې تېره ورځ په کونړ ولایت کې د سېلابونو راوتلو له امله یو تن مړ شوی او نهه تنه نور ټپیان شوي دي.
د طالبانو تر واک لاندې له پيښو سره د مبارزې د چمتوالي ادارې ویلي، چې د شنبې په ورځ د (تلې ۱۴مه) نېټه د یاد ولایت د نرنګ ولسوالۍ لمټک، کوډو او شړلو په کلیو کې د سېلابونو راوتلو له امله یو تن مړ او نهه نور ټپیان شول.
د دغې ادارې له لوري په خپرو شویو معلومات کې ویل شوي، چې سېلابونو له امله په یادو کلیو کې ۸۵ کورونه ویجاړ او ۴۰۰ جریبه کرنیزه ځمکه ۳۰ څاروي او یو لوی کانال زیامن شوی.
دا په داسې حال کې ده ، چې تېره ورځ د طالبانو تر واک لاندې د هواپیژندنې ادارې د (تلې له ۱۴څخه تر ۱۵ نېټې) په ۲۶ ولایتونو کې د ګڼ باران، برېښنا، چټکو بادونو، او سېلابونو د راوتلو اټکل کړی و.
د دغې ادارې د اټکل له مخې، چې د باران کچه به (له ۱۵څخه تر ۴۵) ملي مترو پورې وي.
