پاکستان د سویلي اسیا د ښځو د فوټبال اتلولیو لوبو لپاره ۲۴ لوبغاړې وټاکلې

د پاکستان فوټبال فډراسیون د سویلي اسیا د ښځو د فوټبال اتلولیو لپاره د ۲۴ لوبغاړو لومړنی نوملړ په ډاګه کړ. دا لوبې به د نېپال په پلازمېنه کتمنډو د راتلونکې اکتوبر میاشتې پر ۱۷ پیل وشي.

د راپور له مخې، د وروستي سکواډ د ټاکلو لپاره به تمریناتي لوبې د اکټوبر په لومړۍ نېټه په اسلام اباد کې پیل شي.
ټاکل شوې ده، چې د پاکستان د فوټبال ښځينه لوبډله به په اې ډله کې د هند او بنګلدېش لوبډلو سره لوبې وکړي.
د پاکستان لوبډله د اکټوبر په ۱۷مه له هند او د اکټوبر په ۲۰مه به د بنګلدېش پروړاندې د لوبې ډګر ته ووځي.