د افغانستان د فوټسال ملي لوبډله به نن له مراکش سره دوستانه لوبه وکړي

د طالبانو د فوټبال فدراسیون چارواکي وايي، دغه لوبه به د ازبکستان په کوربه توب د تاشکند پر وخت ماښام شپږ او د کابل ۵:۳۰ بجې پیل شي. د فوټسال افغان لوبغاړو تېر ماښام یوه بله دوستانه لوبه له پاراګوا سره ۲-۲ مساوي پای ته ورسوله.

په ازبکستان کې د فوټسال نړۍوال جام سیالیو ته د لا زیات چمتوالي په موخه د افغانستان فوټسال لوبډله له مراکش سره لوبه ترسره کوي.

د افغانستان د فوټسال ملي لوبډله به ​​نن ماښام په تاشکند کې د ازبکستان نړۍوال جام سیالیوته د چمتووالي په موخه له مراکش سره لوبه وکړي.

د طالبانو تر واک لاندې د ملي ټلویزیون د لوبو برخې نن دوشنبه د (وږي ۱۹مه) په ایکس پاڼه لیکلي چې د افغانستان فوټسال ملي لوبډله له مراکش هیواد سره د یوې دوستانه لوبې په موخه نن ماښام د کابل پر وخت د ماښام ۵:۳۰ دقیقې د ازبکستان په پلازمېنه تاشکند کې دوستانه لوبه کوي.

د ۲۰۲۴ کال د فوټسال نړۍوال جام سیالۍ په ازبکستان کې د روانې وږي میاشتې په ۲۴مه پیلیږي.