شپږېزه لیګ؛ د امو نهنګانو پچه وګټله او لومړی د بست ساتونکو پر وړاندې توپ اچونه کوي

د شپږېزې کرېکټ لیګ په اوومه لوبه کې پچه د امو نهنګانو لوبډلې وګټله او لومړی یې د بست ساتونکو پر وړاندې د توپ اچونې پرېکړه وکړه.

د بست ساتونکو لوبډله کې د رحمت شاه په لوبډلمشرۍ کې محمد شهزاد، حضرت الله ځاځی، دروېش رسولي، نجیب الله ځدراڼ، ګلبدین نایب، اعجاز احمدزی، بلال احمد ارین، نور احمد، نصیر خان او فرید ملک شامل دي.
د امو نهنګانو لوبډله کې د عظمت الله عمرزي په لوبډلمشرۍ کې محمد اسحاق، عبدالمالک، زبید اکبري، شاهدالله کمال، شرف الدین اشرف، اعجاز احمد ازاد، محمد ریاض، قیس احمد او محمدګل ګډون لري.
په دغو سیالیو کې د امو نهنګانو لوبډلې تر دې دمه دوې ماتې خوړلې؛ خو د بست ساتونکو لوبډلې ببا دوه لوبې ګټلې دي.
د بست ساتونکو لوبډلې په خپله وروستۍ لوبه کې په سوپر اوور کې د بند امیر له لوري د ورکړل شویو منډو هدف پوره کړ او بریا یې خپله کړه.
د شپږېزې کرېکټ لیګ نهم پړاو سیالۍ د اګسټ میاشتې په ۱۲مه نېټه د پنځو لوبډلو ترمنځ پیل شوې او د همدې میاشتې تر ۲۵مې نېټې به دوام وکړي.