د ښځو د کرېکټ اسیا جام نیمه پایلوبه سبا کېږي
د ښځو د روان میلادي کال د کرېکټ اسیا جام نیمه پایلوبه کې سبا بنګلدېش له هند او پاکستان له سریلانکا سره لوبېږي. د کرېکټ نړیوالې شورا په نوښت د ښځو کرېکټ ملي لوبډو اسیا جام د رواني جولای مياشتې پر ۱۹ پيل او د همدې مياشتې پر۲۸ یې پایلوبه کېږي.
په دې جام کې د بنګلدېش، هند، پاکستان، سریلانکا، ماليزيا، نيپال، تايلنډ او متحده عربي امارات د ښځو ملي لوبډلې برخه لري.
د دې جام سیالۍ په دوو ډلو وېشل شوې وې. په لومړي ګروپ کې « بنګلدېش، هند، پاکستان او سريلانکا» او په دوهم ګروپ کې « ماليزيا، نيپال، تايلنډ او متحده عربي امارت» یو د بل په وړاندي لوبېږي.
