د اروپا د امنیت او همکاریو سازمان د دوشنبې په ورځ په اتریش کې د یوې غونډې پر مهال د افغان مېرمنو د کار او زدهکړو له حقونو ملاتړ وکړ او له نړۍوالو یې غوښتنه وکړه، چې له دغې ستونزې څخه د وتلو لپاره دې عملي ګامونه واخلي.
دغه سازمان ویلي، چې د افغان مېرمنو لپاره شته ننګونې د سیمې د هېوادونو لپاره سوله او ټیکاو له ګواښ سره مخامخوي.
د اروپا د امنیت او همکارۍ سازمان د دوشنبې په ورځ (د غبرګولي ۱۴مه) د اتریش په پلازمېنه ویانا کې د بېلابېلو هېوادونو د استازو او کارپوهانو په ګډون د افغان مېرمنو د ستونزو او ننګونو د لرې کولو په موخه ناسته جوړه کړې وه.
دغه ناسته د اروپا د امنیت او همکاریو سازمان د شمالي مقدونیې په دورهیي مشرۍ کې ترسره شوه.
په دغې ناسته کې د افغان مېرمنو د ځواکمنولو او د هغوی پر لار د خنډونو د لمنځه وړلو لپاره د تګلارو په جوړولو ټینګار وشو.
دغه سازمان ویلي، چې د افغان مېرمنو د حقونو په تېره بیا د هغوی د زدهکړو او کار کولو له حقونو ملاتړ کوي او په دې برخه کې د نړۍوالو د دایمي ملاتړ او همکاریو غوښتنه هم کوي.
طالبانو له شاوخوا درېیو کالو را په دې خوا د ښځو پر زدهکړو او کار کولو د بندیز تر څنګ د هغوی ټول بنسټیز حقونه تروړلي دي.
طالبان په دې برخه کې په خپل دریځ تر اوسه ټینګ ولاړ دي او د نړۍوالو نیوکو او غوښتنو ته یې پاملرنه نه ده کړې.
دغه سازمان ویلي، چې د زدهکړو، کار کولو او روغتیایي برخو کې پر ښځو لګېدلي بندیزونه د سیمې هېوادونو ته ګواښوونکي دي او ښايی بدې پایلې له ځانه سره ولري.
د اروپا د امنیت او همکاریو سازمان له نړۍوالې ټولنې غوښتي، چې په دې برخه کې خپل دوامداره ملاتړ ته دوام ورکړي او د افغان نجونو او مېرمنو د حقونو خوندیتوب لپاره یې په ګډو هڅو ټینګار کړی.
داسي فکر کېده، چې د افغانستان فوټسال ملي لوبډلې نړۍوال جام ته د لار موندلو وروسته به د لوبغاړو، تخنيکي کارکوونکو او فدراسيون ترمنځ اختلافات حل شي؛ خو ډېری لوبغاړي لکه؛ سید حسين موسوي، حميد رضا حسيني او یو شمېر نور چې د ملتونو جام او نړۍوال جام لپاره د کولیفایډ په سيالیو کې د اختلاف له امله په لوبډله کې نه وو اوس هم لوبډلې ته نه دي بلل شوي.
اعلان شوی نوملړ:
ګول ساتونکي: علي رضا جعفري، محمد جواد صفري، سیدرضا حسيني، علي احمد محسني او علي اصفر رسولي.
لوبغاړي: مهدي نوروزي (لوبډلمشر)، رضا حسين پور، علي فیاضي، فرزاد محمودي، بهمن ګرګيج، ناصر تيموري، حسين محمدي، محمد مرادي، علي اميري، سيد مجتبا حسیني، مهران غلامي، خدایداد ابراهيمي، علي جعفري، اکبر کاظمي، محمد رضا کريمي، نصرالله رستمي، اميد قنبري او ميثم فيضي شامل دي.
افغانستان د نړۍوال جام په درېیم ګروپ کې د ارجنټاین، اوکراین او انګولا لوبډلو سره سيالۍ لري.
د نړۍوال جام په سیالیو کې به د افغانستان ملي لوبډله لومړۍ لوبه له انګولا، دویمه ارجنټاین او درېیمه لوبه به له اوکراین سره وکړي.
افغانستان فوټسال ملي لوبډله به خپله لومړۍ لوبه د سې شنبې په ورځ (۱۴۰۳ د وږي ۲۵مه) نېټه تر سره کړي.
افغانستان دویمه لوبه د همدې کال (د وږي ۲۸مه) په ګروپ کې د پیاوړي لوبډلې ارجنټاين او درېيمه به د شنبې په ورځ (د وږي ۳۱مه) له اوکراين سره کوي.
باید وویل شي، چې ارجنټاین د نړۍ د فوټسال په درجه بندۍ کې پنځم، اوکراین په دولسم، افغانستان په دېرشم او انګولا په ۴۷م ځای کې دي.
د ۲۰۲۴ کال د فوټسال نړۍوال جام به د ۱۴۰۳ کال د وږي میاشتې له ۲۴مې نېټې پيل او د تلې مياشتي تر ۱۵ نېټې به دوام وکړي.
په دې جام کې ۲۴ لوبډلې برخه لري او د ازبکستان په کوربه توب پيليږي.
دا څلورم ځل دی، چې د فوټسال نړۍوال جام په اسیا او په لومړي ځل په منځنۍ اسيا کې تر سره کیږي.
