افغان نوښتګره شکردخت جعفري د ۲۰۲۴کال د ډینامیک جایزې ګټونکې شوه
افغان ښځینه فزیک پوهه شکردخت جعفري چې اوسمهال په برېتانیا کې مېشته ده، د ۲۰۲۴کال د ډینامیک جایزې ګټونکې شوه. نوموړې ته د ډینامیک «د کال غوره نوښتګرې» جایزه په برېتانیا کې ورکړل شوه.
اغلې جعفري د( غویي په ۱۲مه) په خپلې فیسبوک پاڼې د دغې جایزې د ترلاسه کولو خبر ورکړی دی.
نوموړې دغه جایزه داسې مهال ترلاسه کړې، چې په وروستي پړاو کې ورسره د دغې جایزه د ترلاسه کولو لپاره څلور نور کسان هم په سیالۍ کې وو.
هغې تر دې وړاندې په ۲۰۱۶کال کې په برېتانیا کې « ښځې په نوښتونو کې» تر عنوان لاندې جایزه هم ګټلې وه.
نوموړې تر دې مهاله تر ۴۰ ډېرې مقالې او دوه نوښتونه لري.
