د ایران د اسلامي جمهوریت مخالفه فعاله مسیح علي نژاد د نوروز په مناسبت په یوه پیغام کې نوی هجري لمریز کال «د جنسیتي توپیر پر وړاندې د ایرانیانو او افغانانو د یووالي کال» بللی دی.
نوموړې وایي: «سږکال د خامنه یي او اسلامي جمهوریت د لا ذلیله کېدو کال دی.»
مېرمن نژاد په خپل اېکس کې لیکلي: « زمونږ ایرانیانو اصلي نوروز به هغه وخت وي، چې په خپل هېواد کې د ډیموکراسۍ، ازادۍ او د بشري حقونو رنګ ووینو.»
دغه خبریاله او د بشري حقونو فعاله ټینګار کوي، چې تر دې وروسته به هم د ازادي غوښتونکو خلکو غږ وي.
مسیح علي نژاد تر دې وړاندې طالبان د ښځو پر ضد رژیم بللی و او افغان نجونو او ښځو ته یې د ښوونځيو او پوهنتونونو د دروازو د خلاصېدو غوښتنه کړې وه.