د غزې جګړه او جلا شوی میین؛ د میینانو په ورځ جلا شوی میین د خپلې مینې د لیدو هیله لري
یوسف شاله په تمه و، چې د میینانو په ورځ خپلې کوژدنې ته د ګلو ګېډۍ او ټیډي بیر (نانځکه) واخلي؛ خو د غزې جګړې دواړه سره جلا کړل. یوازینی رومانتیک کار چې شاله یې کولی شي خپلې مینې ته د مینې غږیز پیغام لیږل دي.
شاله چې پلان یې لرلو له بادې سره واده وکړي وویل: «موږ ته هېڅ ښکلا نه ده پاتې. له جګړې وروسته به چېرته ځو؟»
دې جوړې د روژې په میاشت کې د خپلو کورنیو د لیدلو پلان لاره. هغه وویل: «کور کې د لیدلو لپاره هېڅوک نه دي پاتي. زموږ ټول خپلوان په نښه شول او ټول په هوایي بریدونو کې ووژل شول.»
شاله د اسراییل د برید له امله له خپل کور بیت لحیه څخه وتښتید او خان یونس ته راغلی او اوس په رفح ښار کې اوسي. د هغه لپاره سخته ده چې خپله مینه وګوري.
دوی یو بل ته غږیز پیغامونه لیږي؛ خو په رفح کې د اړیکې نیول خورا ستونزمنه ده، حتا د شاله غږیز پیغام تر دوه ورځو هم بادې ته نه رسیږي.
شاله وویل: «زه په تمه یم چې له بادې سره اړیکه ونیسم او دا معمولي ډالۍ ورته ورکړم.»
هغه یو شال وښود، چې د خپلې مینې بادې لپاره یې اخیستی و.
شاله وویل: "د ویلنټاین یا د میینانو ورځ د سره ګلابونو او سرو زړونو لپاره پېژندل کیږي؛ خو اوس سور د وینې رنګ دی. هر څه چې ګورئ سره دي مرګ، تباهي او هر څه.»
په غزه کې د اسراییل جګړه د اکټوبر له اوومې کله چې د حماس وسله والو پر اسراییل برید وکړ او شاو خوا ۱۲۰۰ کسان یې ووژل او ۲۵۳ کسان یې یرغمل کړل، پیل شوه.
د غزې د روغتیایی چارواکو په وینا؛ په غزه باندې د اسراییل بریدونو تر اوسه پورې له ۲۸ زرو څخه ډېر خلک وژلي چې ډیری یې په خځلو کې پراته دي.
