پاکستان کې د حکمتیار په مشرۍ د حزب اسلامي کمپ کې د فلسطین په ملاتړ لاریون وشو
په پاکستان کې د ګلبدین حکمتیار په مشرۍ د حزب اسلامي یو شمیر پلویانو د پيښور شمشتو پڼډغالي کې د اسراییل ضد او د فلسطین په ملاتړ لاریون وکړ. دغو لاریونوالو چې د حکمتیار انځورونه او د فلسطین بیرغونه یې له ځانونو سره لېږدول، په غزه کې د جګړې د بندېدو غوښتنه وکړه.
دغه لاریون نن د لړم پر ۱۹ مه د جعمې له لمانځه وروسته ګڼ شمیر د حزب اسلامي پلویان د شمشتو کمپ کې سره راټول شوي وو.
لاریونوالو په غزه کې د اسراییل بمباریو کې د فلسطینانو وژل کېدل وغندل او د اسراییل ضد شعارونه یې زمزمه کړل.
حزب اسلامي ته منصوب نشراني ارګان شهادت ورځپاڼې په خپل اېکس پاڼه کې په دې تړاو د ګلبدین حکمتیار د وینا څو جملې لیکلي دي.
د حکمتیار له قوله ویل شوي چې «که نن له غزې دفاع ونشي سبا له مکې او مدینې هم نشي کېدی.»
سرچینې وايي که څه هم د اسلامي حزب مشر ګلبدین حکمتیار له کابله پاکستان ته تللی خو دې لاریون کې یوازې د ده وینا ولوستل شوه خو حکمتیار او یا هم نورو نوموتو مشرانو یې پکې حضور نه درلود.
هغه وېډیوګانې چې افغانستان انټرنشنل ته رسېدلي په کې ښکاري چې په دغه لاریون کې ګڼ شمیر د ښوونځیو او مدرسو کم عمره ماشومان هم کډون درلود.
په دغه لاریون کې زیاتره ویناوې په عربي ژبه کې وشوې.