په کرېکټ نړیوال جام کې نن هند او سریلانکا سره لوبېږي

د کرېکټ نړیوال جام ۳۳ سیالي نن د کوربه هند او د سریلانکا ملي لوبډلې ترمنځ د ممبيي ښار په وانکیدا لوبغالي کې روانه ده. د سریلانکا لوبډلې کپتان کوشل منډیسن د پچې ګټلو سره توپ اچولو ته مخه کړه. د لوبې پیل د هند لپاره ښه نه و او لوبډلمشر یې روهیت شرما په څلورو منډو سره وسوځېد.

سریلانکا په اوسني نړیوال جام کې شپږ سیالۍ کړې، خو یوازې دوه یې ګټلې دي.

هند شپږ سیالۍ کړې او ټولې یې ګټلې دي.