شمالي کوریا یو ځل بیا امریکا ته د اټومي وسلو د کارونې ګواښ وکړ

شمالي کوریا د شنبې په ورځ وویل، چې د کوریا په ټاپو وزمه کې د کړکېچ په جریان کې د دوی اټومي وسلې د جنګي کارونې لپاره ډیزاین شوي دي، نه د "سوداګرۍ" لپاره.

تر هغه وروسته چې امریکا وویل، واشنګټن به د ولسمشر ډونالډ ټرمپ په مشرۍ "د شمالي کوریا بشپړ بې وسلې کولو" هڅه وکړي، پیونګ یانګ په یوه تبصره کې ویلي، چې د دوی اټومي ځواک د خبرو اترو لپاره نه، بلکې د جګړې لپاره کارول کېږي.

دغه تبصره چې په کې سي اېن ای خپره شوې په کې راغلي: "زموږ د هېواد اټومي ځواکونه د دوامداره جنګي کارولو لپاره دي، ترڅو د دوښمن ځواکونو لخوا د هر ډول یرغل هڅې ژر تر ژره له منځه یوسي چې د هېواد حاکمیت او د خلکو خوندیتوب ته زیان رسوي او سیمه ییزه سوله ګواښي."

د جاپان لومړي وزیر شیګیرو ایشیبا د جمعې په ورځ د ولسمشر ټرمپ سره د یوې خبري غونډې په ترڅ کې وویل، چې دوی د شمالي کوریا د اټومي او توغندیو پروګرام ته د رسېدو اړتیا تاییدوي، کوم چې جاپان او امریکا ته "جدي ګواښ" دی.

هغه وویل، "جاپان او امریکا به د شمالي کوریا د بشپړې بې وسلې کولو لپاره په ګډه کار وکړي."

بلخوا، د ناټو او اروپايي ټولنې چارواکو بیا ټینګار کړی چې دوی به شمالي کوریا د اټومي ځواک په توګه ونه مني.

شمالي کوریا دا څرګندونې "مسخره" وبللې

ټرمپ د متحده ایالاتو لومړنی اوسنی ولسمشر شو، چې په ۲۰۱۹ کې یې د شمالي کوریا په خاوره کې پښه کېښوده.

د پیونګ یانګ سره د هغه د غیر قانوني اټومي او بالسټیک توغندیو پروګرامونو په اړه د خبرو اترو د یوې برخې په توګه، هغه د شمالي او سویلي کوریا ترمنځ په غیر نظامي سیمه کې کېم جونګ اون سره ولیدل.