د ایران په کرمانشاه کې بندیانو د زندان یوې برخې ته اور اچولی او تښتېدلي دي

د ایران د بشري حقونو سازمان ویلي، چې تېره ورځ د سلواغې ۱۱مه یو شمېر بندیانو چې ښايي شمېر یې له «له ۳۰ تر ۴۰ تنو پورې» وو، د کرمانشاه د ډیزل اباد زندان یوې برخې ته اور ورته کړی او په تېښته بریالي شوي. ځینو رسنیو بیا دغه شمېر نهه تنه ښودلی.

د دغه سازمان د معلوماتو له مخې، ټاکل شوې وه چې د دغو بندیانو ځینې نن د سلواغلې ۱۲مه اعدام شي.
ویل کیږي، دا مهال د کرمانشاه ولایت پوځي بڼه غوره کړې، او راپورونه ښیي چې د ایران له لرستان څخه پوځي ځواکونه سیمې ته لیږل شوي دي.
ځینو ایراني رسنیو بیا دغه شمېر نهه تنه یاد کړی او ویلي یې دي، چې د کرمانشاه له یوه زندانه یې داسې خپرونه ترلاسه کړي، چې «نهه تنه ځوانان چې د یوې ناقانونه هڅې په ترڅ کې د کرمانشاه له زندان څخه په تېښته بریالي شوي.»
ځايي پولیسو رسنیو ته ویلي، چې د کرمانشاه له زندانه د نهو دغو بندیانو تېښته ناقانونه بللې، او ویلي یې دي چې امنیتي ځواکونه د دوی د موندلو په لټه کې دي.
ایراني رسنیو راپورونه خپاره کړي، چې دا مهال د کرمانشاه په ولایت کې حالت پوځي او کور په کور د دغو تښتېدلو زندانیانو پلټنه روانه ده.
د ایران حکومت په دې وروستیو کې په بیلابیلو زندانونو کې د یو شمېر بندیانو د اعدام لړۍ چټکه کړې او د ایراني وګړو تر څنګ افغان زندانیان هم اعداموي چې له نړۍوال فشار سره، سره یې دغه لړۍ روانه ساتلې ده.